Marku 8:32 - Mukanda Wa Zambi 1970

³² Liji lino yalihanjika mwazu. Kashika Petulu yamutwala ku tenga, yabutuka kumukanjisa.

MUKANDA USANDU WA ZAMBI 1975

³² Iye wahanjikile mwazu liji lino, mba Petulu wamutwalile ku tenga, waputukile kumwambila.

Marku 8:32 Iomraidhean Croise

Mateu 16:22

Petulu yamutwala ku tenga, yabutuka kumukanjisa ngwenyi: “Zambi kanda achitayiza kama Mwene. Chino kanda chibwa kama hali yena nichimwe!”

Marku 4:38

Alioze Yesu te kunyima lia wato ali, mu tulo, yashachila ha musau. Tumbaji yaamulawisa, ngwo: “Longeshi, nichimwe kuli yena, nyi? Tunafu!”

Luka 10:40

Marta yalibikala ni milimo yinji ya yakulia. Kashika yakundama nikwamba ngwenyi: “Mwene, nichimwe kuli yena, nyi? Mwanakwetu hanguhichika ku milimo ya yakulia ukawami. Mwambe kama angukwase.”

Yoano 10:24

Ayuda yaamukunguluka, yaamuhula ngwo: “Ndoo mwiji muka muutupwisa ni chisweswe? Nyi mwe Chilamwina yoze Zambi alakenyene yena, twambulwile cho mwazu.”

Yoano 11:14

Kashika Yesu yahanjika mwazu ngwenyi: “Lazaru hafwa.

Yoano 16:25

“Hingunanwambulwila yuma yeswe ni yishima. Tangwa mulikeza muze chichi kahanjika ni yishima, alioze mungukanwambulwila pundu yuma yeswe yakutwala kuli Tata.

Yoano 16:29

Mba tumbaji twenyi yaamwamba ngwo: “Tala, haliabwila unahanjika mwazu, hi ni yishima ko.

Yoano 18:20

Yesu yamukumbulula ngwenyi: “Nahanjikile mwazu mukachi ka atu eswe. Nalongesele tangwa ha tangwa mu mazuwo a kuwayila ni mu zuwo lia Zambi lia Ayuda, kuze te kwakukungulukila Ayuda. Chahanjikile nichimwe ku tenga.