Marku 8:26 - Mukanda Wa Zambi 1970

²⁶ Yesu yamushika aye ku mahio, ngwenyi: “Kanda unjila mu limbo.”

MUKANDA USANDU WA ZAMBI 1975

²⁶ Iye wamutumine ku zuwo lienyi, ngwenyi, Chipwe kanda ukanjila mu chihunda, chipwe kanda ukaambulwila niumwe mu chihunda.

Marku 8:26 Iomraidhean Croise

Mateu 12:16

Alioze yaakanjisa chikolo ngwenyi: kanda akamusolola.

Mateu 8:4

Mba Yesu yamwamba ngwenyi: “Unevu? Kanda ukambulwila mutu niumwe. Alioze yako ukaliweze kuli hako wa Zambi. Mba lambula mulambu uze ambile Mose, ni kulweza eswe ngwe, hiwabema.”

Mateu 9:30

Meso jo yaalaula. Yesu yaaha koki chikolo ngwenyi: “Mutu niumwe kanda achinyingika!”

Marku 5:43

Yesu yaaha koki chikolo ngwenyi: “Mutu niumwe kanda akachinyingika.” Mba yamba ngwenyi: “Mwehenu Chuma cha kulia.”

Marku 7:36

Yesu yaaha koki chikolo ngwenyi: “Kanda nwambulwila niumwe.” Alioze chibwe waahele koki chikolo, hindu yaachinyingikisa kuhiana.

Marku 8:23

Yesu yamukwata ku kwoko, yamutwala haze lia limbo. Muze te hamukwita mate ha meso, yamusa moko, yamuhula ngwenyi: “Muuhasa kumona chimwe Chuma, nyi?”

Marku 8:25

Yesu yamusa nawa moko ha meso. Mutu yoze yeseka nawa kuhiana, yalaula, yamona yuma yeswe zwalala.