Marku 8:25 - Mukanda Wa Zambi 1970

²⁵ Yesu yamusa nawa moko ha meso. Mutu yoze yeseka nawa kuhiana, yalaula, yamona yuma yeswe zwalala.

MUKANDA USANDU WA ZAMBI 1975

²⁵ Mba cheka nawa wasayikile moko jenyi ha meso jenyi; iye wahetwishile meso, walawile, wamwene yuma yeswe zwalala.

Marku 8:25 Iomraidhean Croise

Yishima 4:18

Jila ya akwa ululi yili ngwe kuvumbuka cha tangwa, kuliakutemuka hakepe hakepe ndoo tangwa mulisoloka liakulu.

Mateu 13:12

Mumu yoze ukwete, makamuwezela yikwo, hanga akabwe nayo yakulumbama. Alioze yoze keshi nayo, makamuchiza chibwe yize yikepe ali nayo.

Marku 8:24

Neye yeseka. Yamba ngwenyi: “Ngunamono atu ngwe mitondo, alioze yinende.”

Marku 8:26

Yesu yamushika aye ku mahio, ngwenyi: “Kanda unjila mu limbo.”

Yilinga 1:10

Shimbu maachihulikila meso kwilu nee, muze te Yesu anazezuka, susumuku malunga aali yaamana hehi no, te kaanazala mahina atoma.

Yilinga 14:9

Yabanjika yize ahanjekele Paulu. Mwenawo yamuhulikila meso nee. Paulu yamumona ngwe kali ni ufulielo wa kubwa mungunu,

Filipu 1:6

Ngunanyingika pundu ngwami, Zambi yoze wabutwile milimo yibema muli yenu, makanyongonona kuyilinga ndoo muze makayimanununa ha Tangwa lia Kristu Yesu.

1 Petulu 2:9

Alioze yenu nuli atu waze Zambi atongwele, nuli mahako a Mwene, nuli lume atu ja Zambi. Hananutongola hanga nwambujole yitanga yibema ya Zambi, yoze wanutambikile ha kukatuka ku milima hanga nunjile mu pangu lienyi liahiana.

2 Petulu 3:18

Alioze nyongononenu ha kutatuka mu utu ni yinyingi ya Mwene wetu kanda Chilamwina chetu Yesu Kristu. Uhenya wenyi usoloke chize musono uno ndoo ku miaka yeswe! Chibwe kama Chenacho.