Marku 8:22 - Mukanda Wa Zambi 1970

²² Yaaheta ku limbo lia Betsaida. Kwenako atu anehenene Yesu kapututa, yaaliumba kuli iye hanga amuse moko.

MUKANDA USANDU WA ZAMBI 1975

²² Yaheta ku Mbeteseta, o yaneha kuli iye kapuputa, yaliumba kuli iye, hanga amuse minwe.

Marku 8:22 Iomraidhean Croise

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Mateu 14:36

nikuliumba kuli iye atayize chibwe kukwata kama ku songo lia hina lienyi. Eswe waze amukwachile yaahindwoka.

Mateu 8:15

Yesu yamukwata ku kwoko, kachiki yamuhwa. Naye weno ya Petulu yakatuka, yabutuka kulingila Yesu yakulia.

Mateu 8:3

Yesu yolola kwoko, yamukwata nikwamba ngwenyi: “Ngunazange, bwako mubema!” Hazehene mwe mutu yabema ku musongo wenyi.

Mateu 9:29

Mba Yesu yaakwata ku meso nikwamba ngwenyi: “Chibwe kuli yenu nikulita ni ufulielo wenu!”

Marku 2:3

amwe atu yeeza ni kumunehena mukwa kalepa. Atu awana te anamumbata.

Marku 3:10

Yesu yamba chino, mumu wawukile atu anji, ni mieji yaamuzukukila.

Marku 6:45

Hazehene Yesu yanjisa tumbaji twenyi mu wato, hanga atetekele musali lia chitende ku limbo lia Betsaida, shimbu iye mwene te machishika mbunga.

Luka 10:13

“Lamba lienu akwa Korazine! Lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo haanatwama kulu hashi ni kuzala mwanji ni kulikwita uto ha kulweza ngwo, haanalumuka ku mbunge.

Luka 9:10

Tunganda twa Yesu yaahiluka, yaamwambulwila yize yeswe alingile. Yesu yaatwala kuma kwa ukawo ku limwe limbo, jina lialio Betsaida.

Yoano 1:44

(Filipe te wa ku Betsaida, lie limbo lia Andre ni Petulu.)

Yoano 12:21

Yaakundama kuli Filipe (wa ku Betsaida limbo lia mu Galilea), yaamulembejeka ngwo: “Mwata tunazange kumona Yesu.”