Marku 8:17 - Mukanda Wa Zambi 1970

¹⁷ Yesu yachinyingika, yaahula ngwenyi: “Kuchi kevwe nunalihanjekesa ngwenu: ‘Kanambe chino mumu kutushi mbolo’? Kanda nuchinyingika, nyi? Kanda chinulumbunukina, nyi?

MUKANDA USANDU WA ZAMBI 1975

¹⁷ Yesu se kachinyingika, yamba kuli ayo ngwenyi, Kuchi te nunanyongo, mumu mbolo kunushi nayo? Hindu kanda nuchinyonga, nyi? Hanji kuchanulumbunukine, nyi? Mbunge jenu hijanukala, nyi?

Marku 8:17 Iomraidhean Croise

Izaya 63:17

Mumu yika hiwatwecha tupiasuke mu majila je? Kuchi mba wakutukalisa mbunge hanga tukumbe nyima? Hiluka kama mumu hali tuvumbi twe, mumu hali atu je.

Mateu 12:15

Muze Yesu hachivwa, yakatuka ko. Mbunga yinene yaamukaula. Yesu yawuka mieji eswe.

Mateu 15:17

Kuma kunwanyingikine ngwenu, chize cheswe mutu malia kuchakunjila mu jimo lienyi, mba kuchakutuhuka mu mujimba wenyi, nyi?

Mateu 16:7

Tumbaji yaalihanjekesa ngwo: “Kanambe chino mumu kutwambachile mbolo.”

Marku 16:14

Hakusula, Yesu yasolokela e kumi ni kashi shimbu te anatwama ku mesa. Yaakanyamisa mumu kaafulielele ko, ni mumu ha kukala cha mbunge jo. Kaafulielele ko waze aliangile kumumona muze ahindukile ku kufwa.

Marku 2:8

Hazehene Yesu yanyingika chize anyongene, yaahula ngwenyi: “Kuchi kevwe nuli ni manyonga wano?

Marku 3:5

Yesu yaatala eswe ni utenu, yevwa chinyengo kuhiana mumu ha kukala cha mbunge jo, yambila mwe mutu ngwenyi: “Olola kwoko lie.” Neye yaliolola mba yilibwa lingunu.

Marku 6:52

mumu te kaanyingikine kanawa chikuma cha mbolo, mumu mbunge jo jakalile.

Marku 8:16

Tumbaji yaalihanjekesa ngwo: “Kanambe chino mumu kutushi mbolo.”

Luka 24:25

Mba Yesu yaamba ngwenyi: “Mhmm, yenu atu kunushi malinjekela, nuli akwa kukokoloka ha kufuliela yize yeswe ambujolele akwa munanyi a Zambi!

Yoano 16:30

Haliabwila tunanyingika ngwetu, Unanyingika yuma yeswe. Mutu kechi kukuhula nawa. Ha chino tunafuliela ngwetu, kuli Zambi wejile.”

Yoano 21:17

Yesu yamuhula chisuho cha muchitatu ngwenyi: “Simone mwana wa Yoano, unanguzange, nyi?” Petulu yevwa chinyengo ha chize Yesu amuhulile chisuho cha muchitatu ngwenyi: “Unanguzange, nyi?” Mba yamukumbulula ngwenyi: “Mwene, yena Unanyingika yuma yeswe. Unanyingika ngwe, ngunakuzange!” Yesu yamwamba ngwenyi: “Lisa mapanga jami.

Usolwelo 2:23

Mungukashiha nawa ana jenyi. Mba Yikungulwila yeswe maakanyingika ngwo, nguli yoze wakunyingika manyonga ja atu ni upale wo. Mungukahana kuli mutu mweswe nikulita ni yitanga yenyi yize alingile.