Marku 8:13 - Mukanda Wa Zambi 1970

¹³ Mba Yesu yaahichika, yanjila mu wato, yazauka musali lia chitende.

MUKANDA USANDU WA ZAMBI 1975

¹³ Iye waahichikile, ni cheka nawa ha kunjila mu ulungu, wakatukile akaye mu sali.

Marku 8:13 Iomraidhean Croise

Miaso (Masamu) 81:12

Kashika nakalishile mbunge jo hanga alinge ngwe chize azangile.

Jeremia 23:33

Mwene Zambi yangwamba ngwenyi: “Jeremia, muze umwe wa kuli atu, chibwe mukwa munanyi, hanji hako, makuhula ngwenyi: ‘Mwene Zambi kuchi anambe?’ mulweze ngwe: ‘Yena uli chiteli kuli Mwene Zambi, kumakumwesa lamba.’

Hosea 4:17

Aisraele haanalinungu ni mahamba. Echenu kwo.

Hosea 9:12

Chibwe maakusema ana, mungukaachiza, chibwe umuwika kechi kasala. Muze hinehuka vungu lino, anyingike ngwo, lamba linji mulikawana.”

Mateu 15:14

Echenu Afariseu! Kaali tetekeli tupuputa. Alioze, nyi kapuputa masongwela kapuputa mukwo, eswe aali maaholokela mu wina.”

Mateu 7:6

“Kanda nuhana yize ya chijila kuli tuwa. Nyi ka, maanutewulukila, maanuzamwona ni mazo. Kanda numbila kakanga kenu ku meso ja ngulu. Nyi ka, maakaliata.”

Marku 8:12

Yesu yatwa chikolo mikuma nikwamba ngwenyi: “Kuchi kevwe yenu atu ja mwakono nunafupu chilayi? Chamwenemwene ngunanwambulwila ngwami, chilayi nichimwe manwaha yenu atu ja mwakono.”

Marku 8:14

Tumbaji yaavulama kumbata mbolo yinazuku. Yabwa lume ni mbolo yimuwika mu wato.

Luka 8:37

Hohene mbunga ya mu chifuchi cha Agadara yaambila Yesu akatuke ku chifuchi cho, mumu evwile woma unji. Kashika Yesu yanjila mu wato hanga aye.

Yoano 12:36

Tayizenu pangu shimbu nuchili nalio, hanga nukabwe atu ja pangu.” Muze Yesu hamba yuma yino, yakatuka, yaswama.

Yoano 8:21

Yesu yaamba nawa ngwenyi: “Yami ngunayi kwami. Munukangufupa, alioze munukafwa mu milonga yenu. Kuze ngunayi kunwahashile kwiza ko.”

Yilinga 18:6

Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

Yilinga 27:2

Yitunjila mu umwe ulungu wa ku chifuchi cha Adramitinu, uze te unayi ku membo a ku mbaka ya Asia. Aristarku, Kamasedonia wa ku Tesalonika, yaya hamwe ni yetu.