Marku 7:4 - Mukanda Wa Zambi 1970

⁴ Ha kukatuka ku yitanda, te keeshi kulia ndoo haakosa yuma yize alandanga. Shimbi jikwo jinji nawa te akufunga, ngwe kukosa misenge, ni milondo, ni yenga ya utale, ni mihela.

MUKANDA USANDU WA ZAMBI 1975

⁴ muze mahiluka ku yitanda keshi kulia shina masana; ni yuma yinji yikwo kuyili, yize hanatambula mukuyikakaminya, kukosa cha misenge ni milondo, ni kengelia ni miu.)

Marku 7:4 Iomraidhean Croise

Miaso (Masamu) 26:6

Mwene Zambi, ngunasane ku moko ngukulweze ngwami, nguli mukwa kusamba. Ngunajingi chilumbilo che ni kuwayila.

Izaya 1:16

Sanenu nulibemese. Litwaminenu yibi yeswe yize nwakulinga. Ewa, litwaminenu kulinga yibi,

Jeremia 35:5

Yingutumbika milondo ya vinyu ni misenge ku meso ja Arekabe, yingwamba ngwami: “Tambulenu vinyu yino.”

Jeremia 4:14

Yerusaleme, likose ungulungulu wa ku mbunge ye, mba hanga akulamwine. Miaka yingahi muyibalika mba weche manyonga je abi?

Mateu 23:25

“Lamba lienu alongeshi a Shimbi ni Afariseu, yilembekese! Mumu nwakukosa haze lia musenge ni chenga, alioze muchima nunazala ni wiji ni usolo ubi.

Mateu 23:26

Yena Kafariseu kapuputa! Hatangu kosa muchima lia musenge, mba haze neho muhabema!

Mateu 27:24

Muze Pilatu hamona ngwenyi, kahashile kulinga nichimwe, alioze muukubwa Vunda kuhiana, yanda meya, yasana ku moko ku meso ja mbunga nikwamba ngwenyi: “Kufwa cha mutu yono ami ngunasambe kwami. Ayo milonga yenu!”

Marku 7:8

Yesu yamba nawa ngwenyi: “Nwakuhichika Shimbi ja Zambi ni kukakaminya ndako ja atu.”

Yoano 2:6

Yikubwa milondo yisambano ya mawe. Yenayo te Ayuda akulikwasa nayo ha kusana meya, nikulita ni ndako jo ja kulibemesa ha kuwayila Zambi. Mulondo ni mulondo te mwakunjila makumi nake ndoo kulakaji ni makumi aali a litro.

Yoano 3:25

Mba tumbaji akwo a Yoano yaabutuka kuhamika ni Kayuda umuwika hakutwala ku ndako ya kusana cha kuwayila cho.

Hebreu 9:10

Yili lume yikuma ya kulia ni kunwa, ni kusana cheka ni cheka. Yili lume Shimbi ja mujimba jize chatamba kujifunga lume ndoo muze Zambi makalulika yuma yeswe.

Tiangu (Jake) 4:8

Kundamenu kuli Zambi, neye makundama kuli yenu. Yenu yivulumunyi, sanyisenu moko jenu. Yenu yilembekese, bemesenu mbunge jenu,

1 Yoano 1:7

Alioze, nyi tuli mu pangu ngwe chize Zambi iye mwene kali mu pangu, Chenacho twakuliendela amwe ni akwetu, ni manyinga a Yesu Mwanenyi, kaakutubemesa ku shili yeswe.