Marku 7:34 - Mukanda Wa Zambi 1970

³⁴ Yesu yatala kwilu, yatwa mikuma, yamwamba ngwenyi: “Efata,” kulumbunuka ngwo: “Jikuka.”

MUKANDA USANDU WA ZAMBI 1975

³⁴ nikuhetula meso jenyi kwilu, watwile mikuma, yamba kuli iye ngwenyi, Efwata, chinalumbunuka ngwo, Jikuka.

Marku 7:34 Iomraidhean Croise

Kutuhuka 2:23

Miaka yinji yabalikile, mba mwanangana wa Egiptu yafwa. Aisraele yeevwa kubiha ha undungo wo, yaalila chikolo, ni kulila cho yichiheta ku matwi ja Zambi.

Izaya 53:3

Yetu yitumulelesa, yitulituna ye; yalihumikiza ni yikola ni lamba. Kukushi niumwe yoze te mahasa kumutala! Yitumulelesa ngwe mutu wamokomoko.

Marku 1:41

Yesu yamuvwila keke, yolola kwoko lienyi, ngwenyi: “Ngunazange, bwako mubema!”

Marku 15:34

Ha ola ya muchitatu Yesu yakololoka chikolo ngwenyi: “Eloi, Eloi, lema sabaktani?” Kulumbunuka ngwo: “Zambi yami, Zambi yami, kuchi mba hiwangwehuka?”

Marku 5:41

Yesu yakwata mwana ku kwoko, yamwamba ngwenyi: “Talita kumi,” kulumbunuka ngwo: “Mwana pwo, ngunakwambe ngwami, Hinduka!”

Marku 6:41

Yesu yanda mbolo jitano ni yishi aali, yatala kwilu, yasakwila, mba yabalula mbolo, yajihana kuli tumbaji ajanyine e atu. Yaanyina nawa yishi aali, ayo eswe.

Marku 7:35

Hazehene matwi jenyi yaajikuka. Limi lienyi yilitusuka. Neye yabutuka kuhanjika mwazu.

Marku 8:12

Yesu yatwa chikolo mikuma nikwamba ngwenyi: “Kuchi kevwe yenu atu ja mwakono nunafupu chilayi? Chamwenemwene ngunanwambulwila ngwami, chilayi nichimwe manwaha yenu atu ja mwakono.”

Luka 18:42

Yesu yamwamba ngwenyi: “Laula! Ufulielo we hiwakuwuka.”

Luka 19:41

Muze Yesu hakundama ku limbo, yalimona, yalililila

Luka 7:14

Mba yakundama, yakwata mukango. Akwa kumbata yaamana. Yesu yamba ngwenyi: “Mukweze, ngunakwambe ngwami, hinduka!”

Yoano 11:33

Muze Hamona Maria kanalili, ni e Ayuda waze ejile nenyi, Yesu yevwa chinyengo ni kulibikala mu mbunge.

Yoano 11:35

Yesu yabutuka kulila.

Yoano 11:38

Yesu yevwa nawa chinyengo chinji, yaya ku fuka, te lia chivwenge. Ku chikolo atu yaasa ko liwe.

Yoano 11:41

No yaachiza liwe. Yesu yatala kwilu, mba yamba ngwenyi: “Tata ngunakusakwila mumu wakunguvwila.

Yoano 11:43

Muze hamba maliji wano, yakololoka ni liji linene ngwenyi: “Lazaru, tuhuka mo!”

Yoano 17:1

Muze Yesu hamba yuma yino, yatala kwilu, mba yamba ngwenyi: “Tata, ola hiyeza, lemesa Mwane, hanga Mwane neye akulemese.

Yilinga 9:34

Petulu yamwamba ngwenyi: “Enea, Yesu Kristu kanakuhindwisa, katuka, alula muhela we.” Hazehene yakatuka.

Yilinga 9:40

Petulu yatuhwisa atu eswe, yasa makungunwa hashi, yalemba, mba yatewuluka ku mujimba, ngwenyi: “Tabita, hinduka!” Neye yalaula, yamona Petulu, yahinduka.

Hebreu 4:15

Mwata wa mahako a Zambi kakumona lamba hamwe ni yetu mu ulelu wetu. Mumu Sakwonga hanamweseka mu yuma yeswe ngwe chize akweseka nawa yetu, alioze kavulumwine ko.