Marku 7:26 - Mukanda Wa Zambi 1970

²⁶ Mwe pwo chilambala, yasemukina ku Fenishia mu chifuchi cha Siria, yaliumba kuli Yesu atuhwise mwiku wa luchisa muli mwanenyi.

MUKANDA USANDU WA ZAMBI 1975

²⁶ Achi, pwo wapwile Ka-Ngresia mukwa Serufwenishia ku munyachi wenyi, waliumbile kuli iye, hanga atuhwise ndemoniu muli mwanenyi wa pwo.

Marku 7:26 Iomraidhean Croise

Izaya 49:12

Atu jami kumaakakatuka kusuku, ku norde, ni ku chitokelo, ni ku limbo lia Aswane ku sude.”

Mateu 15:22

Umwe pwo wa ku Kanana, te katwama ku chifuchi chize, yeza kuli iye nikukololoka ngwenyi: “Mwene, Mwana wa David, nguvwile kama keke! Mwanami wa pwo kali ni mwiku wa luchisa; wakunumwesa lamba linji.”

Mateu 4:24

Lufuma wenyi yafumana mu chifuchi cheswe cha Siria. Kashika, yaamunehena eswe waze ayijile misongo yeka ni yeka, ni waze amwene lamba lieka ni lieka, ni waze abwile ni mwiku wa luchisa, ni akwa chikonya, ni akwa kusosewa. Yesu yaawuka eswe.

Marku 7:25

Kuma umwe pwo wabwile ni mwanenyi mukepe wa pwo, yoze te ukwete mwiku wa luchisa. Muze hevwa sango ja Yesu, yeza kuli iye nikawashi, yafulamana ku molu jenyi.

Marku 7:27

Yesu yamwamba ngwenyi: “Achecha hatangu ana achikute, mumu kuchalitele kwanda yakulia ya ana ni kuyimbilila tuwa.”

Galashia 3:28

Kulisa chakuhi mukachi ka Ayuda ni waze hi Ayuda ko, mukachi ka ndungo ni enyaho, mukachi ka malunga ni mapwo. Yenu eswe nuli umuwika mu kulinunga ni Kristu.

Kolosu 3:11

Ha chino, kunushi nawa yilambala ni Ayuda, chibwe ngalami ni yilima, chibwe waze kaalilongesele hanji waze keeshi mana, chibwe ndungo hanji enyaho, alioze hasala lume Kristu; mwe unakwata eswe.