Marku 7:25 - Mukanda Wa Zambi 1970

²⁵ Kuma umwe pwo wabwile ni mwanenyi mukepe wa pwo, yoze te ukwete mwiku wa luchisa. Muze hevwa sango ja Yesu, yeza kuli iye nikawashi, yafulamana ku molu jenyi.

MUKANDA USANDU WA ZAMBI 1975

²⁵ Alioze haze hene umwe pwo, mwanenyi mukepe wa pwo wapwile ni Spiritu ya luchisa, ha kumwivwa lufuma, wejile, wafulamanyine ku yiliato yenyi.

Marku 7:25 Iomraidhean Croise

Mateu 15:22

Umwe pwo wa ku Kanana, te katwama ku chifuchi chize, yeza kuli iye nikukololoka ngwenyi: “Mwene, Mwana wa David, nguvwile kama keke! Mwanami wa pwo kali ni mwiku wa luchisa; wakunumwesa lamba linji.”

Marku 1:40

Mukwa mbumba yeza kuli Yesu, yaliumba ha makungunwa ku meso jenyi ngwenyi: “Nyi unazange, muuhasa kama kungubemesa.”

Marku 5:33

Mwe pwo yakundama nikuchikima ni woma, mumu yanyingika chize habwa. Yafulamana ku meso ja Yesu, yamwambulwila umwenemwene weswe.

Marku 7:24

Yesu yakatuka ko, yaya ku chifuchi chize chakusulangana ni limbo lia Tiru, yanjila mu limwe zuwo. Kazangile niumwe kunyingika kuze te ali, hindu kahashile kuswama.

Marku 7:26

Mwe pwo chilambala, yasemukina ku Fenishia mu chifuchi cha Siria, yaliumba kuli Yesu atuhwise mwiku wa luchisa muli mwanenyi.

Luka 17:16

yafulamana ku molu ja Yesu, yamusakwila. Mutu yoze te Kasamaria.