Marku 7:22 - Mukanda Wa Zambi 1970

²² ni kulinga utanji ni waze ali ku malo, ni kwivwa lwahu wa mbongo, ni kulinga yibi kuli atu akwo, ni kubwa ni kalimbalimba, ni kwivwa usolo ubi ni ukwa, ni kushililika, ni kulisuta, ni kubwa ni uhepuke.

MUKANDA USANDU WA ZAMBI 1975

²² ni kuzo, ni ungulungulu, ni kalimbalimba, ni ujila, ni liso lipi, ni kushililika, ni kulizelula, ni uzuzuke:

Marku 7:22 Iomraidhean Croise

2 Sango Ja Mianangana 32:31

Chibwe muze tunganda twa chifuchi cha Babilonia ejile ni kuhula hakutwala ku yuma yeswe yize yabalikile mu chifuchi, Zambi yatayiza Hezekia kulinga yeswe yize anazange, anyingike mbunge yenyi.

Miaso (Masamu) 10:4

Chingulungulu keshi kufupa Zambi; mu kulengumuka chenyi kakulelesa Zambi.

Miaso (Masamu) 119:36

Nguvwise usona ngufunge Shimbi je, hi kubwa pichi ko.

Yishima 12:23

Yikanyame kaakusweka yuma yize ananyingika, alioze yihepuke kaakwambujola uhepuke wo.

Yishima 22:15

Ana kaakulinga yuma ya mokomoko, ni ya uhepuke, alioze maalilongesa ndako yibema nyi atu maalamba.

Yishima 23:6

Kanda ulia ku mesa ya chijiji, hanji kubwa ni lwahu wa yakulia yenyi yibema.

Yishima 24:9

Manyonga ja chihepuke kali abi. Atu kaakuvutwokela mutu yoze wakusaula atu akwo.

Yishima 27:22

Chihepuke, chibwe muumutwa ngwe chize atu akutwa luba mu chinu ndoo mabwa hakamwihi ni kufwa, hindu kuuchi kuhasa kumuchiza uhepuke wenyi.

Yishima 28:22

Akwa yiiza kaakulipupwisa kubwa pichi; kashika keeshi kunyingika muze uswale muwaheta.

Longeshi 7:25

Nalihanyine ni kulilongesa yinyingi; yingubatula ngubwe ni mana ni kumbululo ku yihula yami ni kulilongesa chize chibwa ungulungulu ni uhepuke.

Izaya 59:13

Hitunakukatukila, hitunakwehuka, hitunalitunu kukukaula. Hitunabinjisa atu akwo, hitunakumbu nyima. Tuli ni manyonga a uhepuke; ni maliji jetu kaali a mahuza.

Izaya 59:7

Matangwa eswe nwakunyonga ungulungulu; kuli yenu chili chikalu ha kuwehuka. Kunushi kuyambashana ni kumwanga manyinga ja waze keeshi yitela. Kweswako nwakuya nwakuhichika ko kwenyeka ni kwonona.

Jeremia 17:9

“Iya mahasa kunyingika mbunge ya mutu? Kuyakwonga kuhiana yuma yeswe yikwo. Yili yibi kuhiana, kaahashile kuyiwuka.

Mateu 20:15

Chishi chiyulo cha kulinga chize ngunazange ni ubite wami, nyi? Hanji Unevu ukwa mumu hinaaha jinji, nyi?’ ”

Mateu 6:23

Alioze, nyi meso je maabwa chitalawili, ni mujimba we weswe muubwa milima. Kashika, nyi pangu lize lili muli yena mulibwa lume milima, tala milima yibwa haha!”

Marku 7:21

Mumu muchima lia mbunge ya mutu mwakutuhuka manyonga abi, e akumuzondola ni kulinga utanji ni twamishi, ni kwiya, ni kushiha atu,

Marku 7:23

Yino yeswe yakutuhuka mu mbunge ya mutu, yenayo ye yaamuvulumwisa.”

2 Korintu 10:5

Twakwonona yuma yeswe ya kulengumuka nayo, yize yakukasa atu jila ya kunyingika Zambi. Twakukwata manyonga eswe a atu ha kwononokena Kristu.

Shimbi 15:9

Kanda nulituna ha kumusondamisa mumu mwaka wa kujimuna makongo hiwakundama. Kanda nubwa ni manyonga abi. Nyi ngwe nwalituna kumusondamisa, iye malila kuli Mwene Zambi ha kunufunda. Ha chino yenu munubwa ni chitela.

Shimbi 28:54

Chibwe umwe lunga mulemu, mukwa ngenye, makalia ana waze asemene iye mwene, mumu keshi ni yakulia yikwo. Kechi kuhana nichimwe kuli mwanakwo, chibwe kuli pwo lienyi yoze azanga, hanji kuli umwe wa kuli ana jenyi waze haasala ho.

Shimbi 28:56

Chibwe umwe pwo mulemu, mukwa ngenye, yoze keshi kuliata homa habi, kumakendela ku tenga. Muze akwa kole maakabinjisa limbo lienyi, muze makahona yakulia, makalia mwe mwana ni chingoji cha mwanenyi ku tenga, muze hasema. Kechi kachiteta ni lunga lineyi yoze azanga, chibwe ni ana jenyi.

1 Petulu 2:15

Mumu Zambi kakuzanga ngwenyi, nukanjise maliji amokomoko a yihepuke, ku yitanga yenu yibema.

1 Petulu 5:5

Chimuwika nawa, ni yenu akweze, Zeyelenu kuli makulwana jenu. Ni yenu eswe likehesenu ha kulilingila ni akwenu. Mumu Mukanda wa Zambi unambe ngwo: “Zambi kakulimika ni akwa kulengumuka, alioze kakulweza utu kuli akwa kulikehesa.”