Marku 7:21 - Mukanda Wa Zambi 1970

²¹ Mumu muchima lia mbunge ya mutu mwakutuhuka manyonga abi, e akumuzondola ni kulinga utanji ni twamishi, ni kwiya, ni kushiha atu,

MUKANDA USANDU WA ZAMBI 1975

²¹ Mumu muchima, mu mbunge ja atu nwakutuhuka, ni manyonga api, ni utanji, ni wiji, ni ungalwe, ni upangala,

Marku 7:21 Iomraidhean Croise

Ubutukilo 6:5

Muze Mwene Zambi hamona ngwenyi, hashi heswe atu kaakulinga yibi kuhiana, kaakunyonga shina kulinga yibi matangwa eswe,

Ubutukilo 8:21

Muze Mwene Zambi hevwa lupembo mubema wa mulambu uze, yamba ngwenyi: “Hikwahwa, chichi kushinga nawa hashi hakutwala ku yize akulinga atu. Ngunanyingika ngwami, kuma atu chize ku wanuke wo, manyonga jo kaali lume abi. Eswe waze natangile, akwete mwono, chichi kwonona nawa ngwe chize hinalinga.

Jobe 14:4

Iya mahasa kuchiza chuma chibema mu chuma chibi ngwe mutu? Nimwe.

Jobe 25:4

Kuli umwe yoze mahasa kubwa mukwa ululi ku meso ja Zambi, nyi?

Miaso (Masamu) 119:36

Nguvwise usona ngufunge Shimbi je, hi kubwa pichi ko.

Miaso (Masamu) 14:1

Yihepuke kaakwamba ngwo: “Zambi keshiko!” Ayo eswe haanabiha, eswe haanalingi yibi yahiana wakuhi yoze wakulinga yibema.

Miaso (Masamu) 14:3

Alioze eswe haanapianguka, eswe kaali abi. Wakuhi niumwe wakulinga yibema, chibwe umuwika ka.

Miaso (Masamu) 53:1

Yihepuke kaakwamba ngwo: “Zambi keshiko.” Eswe haanabiha, eswe haanalingi yibi yahiana, wakuhi yoze wakulinga yibema.

Miaso (Masamu) 53:3

Alioze eswe haanapianguka, eswe kaali abi. Wakuhi niumwe wakulinga yibema, chibwe umuwika ka.

Yishima 15:25

Mwene Zambi makonona mazuwo ja akwa kulengumuka, alioze mafunga yikumba ya pwo yoze hanafwisa lunga.

Yishima 4:23

Funga mbunge ye, mumu che chishina cha mwono we.

Izaya 59:13

Hitunakukatukila, hitunakwehuka, hitunalitunu kukukaula. Hitunabinjisa atu akwo, hitunakumbu nyima. Tuli ni manyonga a uhepuke; ni maliji jetu kaali a mahuza.

Izaya 59:7

Matangwa eswe nwakunyonga ungulungulu; kuli yenu chili chikalu ha kuwehuka. Kunushi kuyambashana ni kumwanga manyinga ja waze keeshi yitela. Kweswako nwakuya nwakuhichika ko kwenyeka ni kwonona.

Jeremia 16:12

Alioze ubi wenu unahiana uze wa tushakulu twenu. Nuli akwa pami kanda yingulungulu, kunushi kungwononokena.

Jeremia 17:9

“Iya mahasa kunyingika mbunge ya mutu? Kuyakwonga kuhiana yuma yeswe yikwo. Yili yibi kuhiana, kaahashile kuyiwuka.

Jeremia 4:14

Yerusaleme, likose ungulungulu wa ku mbunge ye, mba hanga akulamwine. Miaka yingahi muyibalika mba weche manyonga je abi?

Ezekiel 38:10

Mwene Zambi kanambila Goge ngwenyi: “Muze lie tangwa hiliaheta, muukabutula kunyonga kulinga yibi.

Mateu 15:19

Mumu mu mbunge mwakutuhuka manyonga abi. E akumuzondwola ni kushiha atu, ni kulinga utanji ni waze ali ku malo, ni kulinga utanji ni twamishi, ni kwiya, ni kuhanjika mahuza, ni kushililika.

Mateu 9:4

Yesu nikunyingika manyonga jo, yaahula ngwenyi: “Kuchi kevwe nuli ni manyonga abi ngwe wano?

Marku 7:20

Yesu yamba nawa ngwenyi: “Yuma yize yakutuhuka mu mbunge ya mutu yenayo yakumuvulumwisa.

Marku 7:22

ni kulinga utanji ni waze ali ku malo, ni kwivwa lwahu wa mbongo, ni kulinga yibi kuli atu akwo, ni kubwa ni kalimbalimba, ni kwivwa usolo ubi ni ukwa, ni kushililika, ni kulisuta, ni kubwa ni uhepuke.

Luka 16:15

Yesu yaamba ngwenyi: “Yenu nuli waze akulisambisa ku meso ja atu, alioze Zambi kananyingika mbunge jenu. Mumu yize akunyonga atu ngwo, yilemu, ku meso ja Zambi yili yamokomoko.

Yilinga 5:4

Shimbu kanda uchilanjisa we munda, te hi niwe ko, nyi? Chibwe muze hiwaulanjisa, je mbongo hindu te hi nije ko, nyi? Mba ngwe kuchi walinyonganga kulinga Chuma ngwe chino? Tala, kuwahanjikile mahuza kuli atu, alioze kuli Zambi.”

Yilinga 8:22

Lemba Mwene Zambi, nyi muchilita, akukonekene kama nyonga lia mbunge ye.

A-ROMA 7:5

Mumu muze twendele nikulita ni ndako yibi ya uutu, usolo ubi uze Shimbi javundwile mu mijimba yetu, watutwalile ndoo ku kufwa.

A-ROMA 7:8

Shili yiiwana unjililo ku Shimbi, mba yiilinga muli yami kuzo yeka ni yeka. Mumu, nyi Shimbi jakuhu, kachi shili yili ngwe Chuma cha kufwa.

Kolosu 3:5

Kashika shihenu yize yeswe ya hano hashi: utanji, ni luchisa, ni kusasaminya chibi, ni usolo ubi, ni lwahu wa mbongo, mumu lwahu wa mbongo kali ngwe kukombelela mahamba.

Titu 3:3

Mumu ni yetu nawa, twabwile yihepuke, yihulia, akwa kupianguka. Twabwile ndungo ku usolo ubi ni ku uwahililo weka ni weka. Twabwile akwa shili ni akwa lufwachinda, ni kulivwila kole umwe ni mukwo.

Tiangu (Jake) 2:4

nyi che nwakulinga, kunushi ni katonde, nyi? Kunushi kubatula ni manyonga abi, nyi?