Marku 7:17 - Mukanda Wa Zambi 1970

¹⁷ Muze hakatuka ku mbunga, hanjila mu zuwo, tumbaji twenyi yaamuhula ulumbunwiso wa chishima chize.

MUKANDA USANDU WA ZAMBI 1975

¹⁷ Muze te hanjila mu zuwo ha kukatuka ku mbunga, tumbaji twenyi amuhulile ha kutwala ku chishima.

Marku 7:17 Iomraidhean Croise

Mateu 13:10

Tumbaji yaamukundama nikumuhula ngwo: “Kuchi unahanjika no mu yishima?”

Mateu 13:36

Yesu yahichika mbunga, yanjila mu zuwo. Tumbaji twenyi yaamukundama nikumuhula ngwo: “Tulumbunwine kama chishima cha mwambu wamokomoko wa mu munda.”

Mateu 15:15

Petulu yamwamba ngwenyi: “Tulumbunwine kama chishima chino.”

Marku 2:1

Kulutwe lia matangwa amwe, muze Yesu hanjila nawa mu Kafarnaume, atu yeevwa ngwo: “Mu zuwo ali.”

Marku 3:20

Yesu yahiluka mu zuwo. Mba mbunga yaakundama nawa. Ha chino, Yesu ni tumbaji twenyi kaahashile chibwe kulia.

Marku 4:10

Muze Yesu kabwile ko nawa ni mbunga yinene, amwe atu waze amujingilikile, hamwe ni tumbaji kumi ni aali yaamuhula ulumbunwiso wa yishima yize.

Marku 4:34

Yaalongesa shina ni yishima. Alioze muze abwile ha ukawo, yalumbununa yuma yeswe kuli tumbaji twenyi.

Marku 7:16

Yoze uli ni matwi, evwe kwenyi!)”

Marku 7:18

Yesu ngwenyi: “Kuchi, ni yenu nawa kunushi malinjekela, nyi! Kuma kunwanyingikine ngwenu, nichimwe chize muchikatuka haze ni kunjila muli mutu muchihasa kumuvulumwisa, nyi?

Marku 9:28

Muze Yesu hanjila mu zuwo, tumbaji twenyi yaamuhula ha ukawo ngwo: “Kuchi mba yetu kutwahashile kutuhwisa mwiku uze wa luchisa?”