Marku 7:13 - Mukanda Wa Zambi 1970

¹³ Chenacho nwakupwisa liji lia Zambi ngwe Chuma chamokomoko mumu ha ndako jize nwakulongesa. Yuma yinji yikwo yalifwa ni yino nwakulinga.”

MUKANDA USANDU WA ZAMBI 1975

¹³ nwakulelesa liji lia Zambi ni ndongo jenu jize nwakujikunjika: ni yuma yinji ya kulifwa ni yino nwakulinga.

Marku 7:13 Iomraidhean Croise

Izaya 8:20

Akumbulule ngwe: “Banjikenu chize Mwene Zambi anangulongesa! Kanda ubanjika kuli tahi. Yuma yize akwamba kuyishi kunukwasa nichimwe.”

Ezekiel 18:14

“Haliabwila tunyongenu hali mwana wa mutu yoze wa muchaali. Kakumona yibi yeswe yize tato akulinga, alioze keshi kumwimbulula.

Hosea 8:12

Nasonekene Shimbi jami jinji, alioze yaalituna jo ngwe yuma ya yilambala.

Mateu 15:6

mutu yoze kuchamutambile nawa kukwasa tato. Chenacho nwakulituna Shimbi ja Zambi ni kutayiza ndako ja yenwene.

Marku 7:12

kunushi kumutayiza nawa kukwasa tato hanji naye.

Marku 7:14

Yesu yatambika nawa mbunga ngwenyi: “Banjikenu, yenu eswe, hanga chikanulumbunukine ngwo,

Marku 7:3

Mumu Afariseu, kumana Ayuda eswe, kaakufunga Shimbi ja tushakulu. Keeshi kulia, nyi kanda achisana ku moko nikulita ni ndako yo.

Marku 7:5

Afariseu ni alongeshi a Shimbi yaahula Yesu ngwo: “Kuchi kevwe tumbaji twe keeshi kufunga Shimbi ja tushakulu? Kuchi kevwe anali ni moko a majilo?”

Marku 7:9

Neye yaamba nawa ngwenyi: “Kanawa nwakwehuka Shimbi ja Zambi hanga nuhase kulalaminya ndako jenu!

Galashia 1:14

Mukachi ka usoko wami a miaka yimuwika ni yami, naahianyine mu kuwayila cha Ayuda. Nalihanyine kuhiana mu ndako ja tushakulu twetu.

Galashia 5:21

ni lufwachinda, ni kuzengewa, ni kuhungumuka ni yibi ku yiteleka, ni yuma yikwo ngwe yino. Ngunanutoweza haliabwila ngwe chize nambile kulu ngwami, atu waze akulinga yuma yino keechi kanjila mu Wanangana wa Zambi.

Titu 1:14

Kanda abanjika nawa ku yishima yamokomoko ya Ayuda ni ku Shimbi ja atu waze haanapianguka ku umwenemwene.