Marku 6:51 - Mukanda Wa Zambi 1970

⁵¹ Neye yanjila mu wato, mba fuji yiihola. No yaalishimwoka kuhiana,

MUKANDA USANDU WA ZAMBI 1975

⁵¹ Iye wakandukile kuli ayo, wanjilile mu ulungu; ni fuji yaholele: no alishikishilile chikolo mu mbunge jo;

Marku 6:51 Iomraidhean Croise

Mateu 8:10

Ha kwivwa maliji wano, Yesu yalishimwoka, yambila waze te anamukaula ngwenyi: “Chamwenemwene ngunanwambe ngwami, kanda ngumono kama ufulielo ubwa haha, chibwe mu Israele ka.

Marku 1:27

Atu yaalishimwoka kuhiana! Yaalihula ngwo: “Chino chika? Longeso liaha, Mumu chiyulo akwete. Chibwe mwiku wa luchisa muumwononokena!”

Marku 2:12

Atu eswe yaamutala. Mutu yoze yakatuka, yanda muhela wenyi nikawashi, yatuhuka ku meso ja atu eswe. Ayo eswe yaalishimwoka kuhiana, yaalemesa Zambi ngwo: “Kanda tuchimona kama nilimwe tangwa!”

Marku 4:39

Yesu yalaula, yakanda kangonga ni meya ni liji lia tachi ngwenyi: “Hola zungo! Bwako kuluu!” Fuji yiihola, yikubwa lume kuluu.

Marku 4:41

Tumbaji yeevwa woma unji, yaalihanjekesa ngwo: “Awu mwene iya? Chibwe fuji ni meya yakumwononokena!”

Marku 5:42

Hazehene mwana pwo yahinduka, yenda (te habwa ni miaka kumi ni yaali). Muze atu hachimona yaalishimwoka kuhiana!

Marku 6:32

Mba yaaya ayo ene mu wato kuma kwa ukawo.

Marku 7:37

Atu yaalishimwoka kuhiana, yaamba ngwo: “Hanalingi yuma yeswe kanawa. Kakwivwisa chibwe afwa matwi, kakuhanjikisa tunaye.”

Yoano 6:21

Yeevwa kuwaha ha kumunjisa mu wato, mba susumuku wato hiwaheta ku mubumbulu, kuze te anatalikisa.