Marku 6:41 - Mukanda Wa Zambi 1970

⁴¹ Yesu yanda mbolo jitano ni yishi aali, yatala kwilu, yasakwila, mba yabalula mbolo, yajihana kuli tumbaji ajanyine e atu. Yaanyina nawa yishi aali, ayo eswe.

MUKANDA USANDU WA ZAMBI 1975

⁴¹ Iye wanjile mbolo jitano ni yishi aali, nikuhetula meso jenyi kwilu, wawahishile, wapalwile mbolo, wajihanyine kuli tumbaji twenyi, hanga ajitumbike kumeso jo; ni yishi aali wanyine hakachi ka eswe.

Marku 6:41 Iomraidhean Croise

Mateu 14:19

Mba yambila mbunga atwame ha mwambu. Neye yanda mbolo jitano ni yishi aali, yatala kwilu, yasakwila, yabalula mbolo, yajihana kuli tumbaji. No yaajianyina mbunga.

Mateu 15:36

yanda mbolo shimbiali ni e yishi, yasakwila, yabalwola mbolo, yabatwola yishi yipinji yipinji, yayaha tumbaji. No yaayanyina mbunga.

Mateu 26:26

Shimbu maachilia, Yesu yanda mbolo, yasakwila Zambi, yayibalula, yayihana kuli tumbaji twenyi nikwamba ngwenyi: “Wenu, nulie. Mbolo yino yili mujimba wami.”

Marku 14:22

Shimbu maachilia, Yesu yanda mbolo, yasakwila Zambi, yayibalula, mba yayaha tumbaji twenyi nikwamba ngwenyi: “Wenu, nulie. Mbolo yino yili mujimba wami.”

Marku 6:40

No yaatwama ha ngango ja kulakaji kulakaji ni makumi atano atano.

Marku 6:42

Eswe yaalia, yaakuta.

Marku 7:34

Yesu yatala kwilu, yatwa mikuma, yamwamba ngwenyi: “Efata,” kulumbunuka ngwo: “Jikuka.”

Marku 8:19

mbolo jize jitano nabalwile kuli atu tununu atano, nyi? Tupaya a yibalubalu angahi nwanjile?” No yaamba ngwo: “Tupaya kumi ni aali.”

Luka 24:30

Yatwama ku mesa hamwe no, yanda mbolo, yasakwila Zambi, yabalula mbolo, mba yaaha yo.

Luka 9:16

Yesu yanda mbolo jitano ni yishi aali, yatala kwilu, yasakwila ha yakulia yize, yayibalula, mba yayaha tumbaji hanga ayanyine ye mbunga.

Yoano 11:41

No yaachiza liwe. Yesu yatala kwilu, mba yamba ngwenyi: “Tata ngunakusakwila mumu wakunguvwila.

Yoano 17:1

Muze Yesu hamba yuma yino, yatala kwilu, mba yamba ngwenyi: “Tata, ola hiyeza, lemesa Mwane, hanga Mwane neye akulemese.

Yoano 6:11

Yesu yanda mbolo, yasakwila Zambi, yajanyina waze te anatwama ko, yaaha nawa yishi chizechene. No eswe yaakuta.

Yoano 6:23

Ha shimbu lize, mato akwo, waze akatukile ku limbo lia Tiberiade, yaaheta homa haze alilile mbolo, muze te Mwene Yesu hasakwila Zambi.

Yilinga 27:35

Muze te hamba yuma yino, yanda mbolo, yasakwila Zambi ku meso ja eswe, yayibalula, yabutuka kulia.

A-ROMA 14:6

Yoze wakulemesa tangwa limuwika kuhiana matangwa akwo, kakuchilinga ha kulemesa Mwene Yesu. Yoze wakulia yuma yeswe kakuchilinga ha kulemesa Mwene Yesu, mumu kakusakwila Zambi mumu ha yakulia yize. Yoze keshi kulia yeswe, keshi kuyilia ha kulemesa Mwene Yesu, neye kakusakwila Zambi.

1 Korintu 10:31

Chibwe nunali, chibwe nunanu, hanji cheswacho nunalingi, Chilingenu ha kuchichimieka Zambi.

Shimbi 8:10

Munukalia ni kukuta; munukasakwilila Mwene Zambi, Zambi yenu, mumu ha chifuchi cha chinuno chize hanwaha.”

Kolosu 3:17

Yuma yeswe yize nwakulinga ni yize nwakuhanjika, yilingenu mu jina lia Mwene Yesu nikusakwilila Zambi Tata mumu hali iye.