Marku 6:3 - Mukanda Wa Zambi 1970

³ Awu hi mukwa kusonga mabaya ko, nyi? Hi mwana wa Maria ko, nyi? Hi yayo ya Tiangu (Jake), no Jose, ni Yudase, ni Simone ko, nyi? Mandumbu jenyi keeshi hakachi ketu, nyi?” Mba yaalituna ye.

MUKANDA USANDU WA ZAMBI 1975

³ Yono hi karpinteru ko, nyi? Mwana Maria, yayo ya Tiangu, ni José, ni Yunda, ni Semone, nyi? Ni mapangienyi keshi kuno hamwe ni yetu, nyi? O amuvwilile wuli.

Marku 6:3 Iomraidhean Croise

Izaya 49:7

Zambi Munangi wa Aisraele kanda Mukwa Kwakula kanambila kavumbi ka akwa kuyula yoze akulelesa ni kuvutwokela kuli mavungu, ngwenyi: “Mianangana maakamona chize muukatusuka, maakakatuka ni kukulemesa. Ana ja mianangana a malunga no maakachimona nawa, kumaakafukama ku meso je ni kukulemesa.” Chino muchikabwa mumu Mwene Zambi hanatongola kavumbi kenyi; Zambi munangi wa Aisraele hanamanununa yilakenyo yenyi.

Mateu 11:6

Kawaha yoze keshi kuyambashana hakutwala kuli yami!”

Mateu 12:46

Shimbu te Yesu machihanjika ni mbunga, kuma naye ni anakwo yaaheta, yaamana haze, yaafupa kuhanjika nenyi.

Marku 15:40

Amwe mapwo, te kaanamana kusuku ni kutala. Hakachi ko te haali Maria Kamandala, ni Salome, ni Maria naye ya Josefe ni Tiangu (Jake) mukweze.

Marku 3:18

ni Andre, ni Filipe, ni Bartolomeu, ni Mateu, ni Tomase, ni Tiangu (Jake) mwana wa Alfeu, ni Tadeu, ni Simone (mukwa kuzanga utuswilo wa chifuchi),

Luka 2:34

Simone yaawahisa, yalweza naye Maria ngwenyi: “Yono Zambi hanamuse ha kulimbwisa anji ni ha kuhindwisa anji mu Israele. Makabwa chilayi chize maakachihamikina,

Luka 7:23

Kawaha yoze keshi kuyambashana hakutwala kuli yami!”

Luka 8:20

Yaachambulwila Yesu: “Ngwowe, noko ni anakwenu kaanamana haze. Kaanazange kukumona.”

Yoano 14:22

Yudase (hi Kakeriote ko) yamuhula ngwenyi: “Mwene, kuchi muulisolola kuli yetu, alioze hi kuli akwa hashi ko?”

Yoano 6:42

No yaamba ngwo: “Awu hi Yesu ko mwana wa Josefe, nyi? Tato ni naye tunaanyingika. Mba kuchi anambe ngwenyi: ‘Hingunahulumuka mwilu’?”

Yilinga 1:13

Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).

Yilinga 12:17

Petulu yaaholesa ni kwoko, yaalumbunwina ngwe chize Mwene wamutuhwishile mu zuwo lia lamba. Yamba nawa ngwenyi: “Chambulwilenu Tiangu (Jake) ni akwetu akwo.” Mba yakatuka, yaya kweka.

1 Korintu 1:23

Alioze yetu twakwambujola Kristu yoze ahachile ha kulusu. Sango jino jakutalingisa Ayuda, ni jinamoneka ngwe uhepuke kuli waze hi Ayuda ko.

1 Korintu 9:4

yetu kutushi chiyulo cha kutambula kulia hanji kunwa ku milimo yetu, nyi?

Galashia 1:19

Chamwene kanganda mukwo niumwe shina Tiangu (Jake) wika, mwanakwo wa Mwene Yesu.

1 Petulu 2:4

Kundamenu kuli Mwene Yesu, liwe lia mwono lize alitunyine atu ngwe Chuma chamokomoko, alioze Zambi hanalitongola mumu walimwene ngwe lili liwe lilemu.

Yuda 1:1

Yami Yuda, kavumbi ka Yesu Kristu, kanda mwanakwo ya Tiangu (Jake). Ngunanumeneka, yenu waze Tata Zambi atongwele ni akuzanga, waze Yesu Kristu akufunga.