Marku 6:15 - Mukanda Wa Zambi 1970

¹⁵ Alioze akwo ngwo: “Kali Eliya.” Akwo ngwo: “Kali mukwa munanyi wa Zambi ngwe waze a ku shakulu.”

MUKANDA USANDU WA ZAMBI 1975

¹⁵ Ni akwo ambile ngwo, Iye Eliya. Ni akwo ambile ngwo, Iye profeta, chizechene ngwe umwe wa kuli aprofeta.

Marku 6:15 Iomraidhean Croise

Malaki 4:5

“Alioze shimbu tangwa lize linene lia Mwene Zambi kanda lichiheta, mungukanutumina mukwa munanyi Eliya.

Mateu 16:14

No yaakumbulula ngwo: “Akwo kaakwamba ngwo: ‘Yoano Chipapachisa’; akwo ngwo: ‘Eliya;’ akwo ngwo: ‘Jeremia, hanji umwe mukwa munanyi mukwo wa Zambi!’ ”

Mateu 21:11

Mbunga yaakumbulula ngwo: “Awu mwe Yesu, mukwa munanyi wa Zambi wa ku Nazare mu chifuchi cha Galilea.”

Marku 6:16

Alioze muze Herode hachivwa, yamba ngwenyi: “Mwe Yoano, yoze natapile mutwe, mwenawo Zambi hamuhindwisa.”

Marku 8:28

Yaamukumbulula ngwo: “Akwo kaakwamba ngwo: ‘Yoano Chipapachisa.’ Akwo ngwo: ‘Eliya.’ Alioze akwo ngwo: ‘Umwe mukwa munanyi mukwo wa Zambi.’ ”

Luka 1:17

Makatetekela ku meso ja Zambi mu tachi ni ndundo ja mukwa munanyi a Zambi, Eliya. Makawanyisa atato ni ana jo. Makalumuna yihulia akabwe ni manyonga a ululi. Makalulikila Mwene Zambi atu jenyi.”

Luka 7:16

Atu eswe yeevwa woma, yaachichimieka Zambi ngwo: “Mukwa munanyi munene wa Zambi hasoloka mukachi ketu,” nawa ngwo: “Zambi haneza ni kulamwina atu jenyi!”

Luka 7:39

Muze Kafariseu, yoze walakenyene Yesu, hachimona, yalihanjikisa ngwenyi: “Yaa, nyi chamwenemwene mutu yono kali mukwa munanyi wa Zambi, kachi te manyingika pwo yono unamukwate, ni chize abwa. Kali mukwa lufuma mubi!”

Luka 9:19

yaakumbulula ngwo: “Amwe kaakwamba ngwo: ‘Yoano Chipapachisa,’ akwo ngwo: ‘Eliya,’ akwo nawa ngwo: ‘Umwe wa kuli akwa munanyi a Zambi a shakulu hahinduka ku kufwa.’ ”

Luka 9:8

Akwo ngwo: “Eliya hasoloka.” Akwo nawa ngwo: “Umwe wa kuli akwa munanyi a Zambi a shakulu hahinduka ku kufwa.”

Yoano 1:21

Yaamuhula nawa ngwo: “Mba yena iya? Eliya, nyi?” Yoano ngwenyi: “Ka kwami.” Ayo ngwo: “Yena mwe mukwa munanyi wa Zambi, nyi?” Neye yaakumbulula ngwenyi: “Ka.”

Yoano 1:25

yaamuhula ngwo: “Nyi hi uli ko Chilamwina yoze Zambi alakenyene, chibwe Eliya, chibwe mwe mukwa munanyi wa Zambi, kuchi mba wakupapachisa atu?”

Yoano 6:14

Muze atu amwene chilayi chize alingile Yesu, yaamba ngwo: “Mutu yono kali mukwa munanyi wa Zambi yoze chatamba kwiza hano hashi.”

Yoano 7:40

Muze heevwa longeso lino, atu akwo mukachi ka mbunga yize yaamba ngwo: “Chamwenemwene mutu yono mwe mukwa munanyi wa Zambi!”

Yoano 9:17

Afariseu yaahula nawa kapuputa ngwo: “Yena kuchi unambe hakutwala kuli mutu yoze wakulawisanga meso?” Iye ngwenyi: “Kali mukwa munanyi wa Zambi.”