Marku 6:12 - Mukanda Wa Zambi 1970

¹² No yaatuhuka, yambujola ngwo, atu alumuke ku mbunge.

MUKANDA USANDU WA ZAMBI 1975

¹² O atuhukile, ambujolele ngwo, Atu alikonyeke.

Marku 6:12 Iomraidhean Croise

Ezekiel 18:30

“Haliabwila yami Mwene Zambi ngunambila yenu Aisraele ngwami, mungubatwila mweswe wa kuli yenu nikulita ni yize hanalingi. Alumukenu ku yibi yeswe yize nwakulinga, kanda nutayiza milonga yenu kunwonona.

Mateu 11:1

Muze Yesu hamanununa kuhana Shimbi jino kuli tumbaji twenyi kumi ni aali, yakatuka ko, yaya ni kulongesa ni kwambujola mu membo a mu chifuchi chize.

Mateu 11:20

Mba Yesu yabutuka kukumika membo muze alingile yipupu yenyi yinji, mumu atu jamo kaalumukine ko ku mbunge.

Mateu 3:2

“Alumukenu ku mbunge, mumu Wanangana wa mwilu hiwakundama.”

Mateu 3:8

Lingenu yitanga yize muyilweza ngwo, hinwalumuka ku mbunge.

Mateu 4:17

Chize ku mwaka uze, Yesu yabutuka kwambujola. Yamba ngwenyi: “Alumukenu ku mbunge, mumu Wanangana wa mwilu hiwakundama!”

Mateu 9:13

Yeenu nulilongese ulumbunwiso wa maliji wano a mu Mukanda wa Zambi, ngwo: ‘Chishi kuzanga atu akungulambula milambu ya tushitu, alioze ngunazange alivwile keke.’ Mumu chejile mu kutambika akwa ululi, alioze akwa lufuma mubi.”

Marku 1:15

Ngwenyi: “Tangwa hiliaheta. Wanangana wa Zambi hiwakundama! Alumukenu ku mbunge! Fulielenu je Sango Jibema!”

Marku 1:3

Mutambi wa mutu yoze wakukololoka mu puya ngwenyi: ‘Lulikenu jila ya Mwene, Lulamisenu yikoka yenyi.’ ”

Luka 11:32

Ha tangwa lia Ubatwilo akwa Ninive maakakatukila atu ja mwakono ni kwahisa. Mumu akwa Ninive yaalumuka ku mbunge muze evwile kwambujola cha Yona. Ni chikuma chahiana chize cha Yona hano hichili.”

Luka 13:3

Ngwami, ka, alioze nyi kunwalumukine ku mbunge, yenu eswe munukafwa ngwe ayo.

Luka 13:5

Ngwami, ka, alioze, nyi kunwalumukine ku mbunge, eswe munukafwa ngwe ayo.”

Luka 15:10

Chimuwika nawa ngwami, tunganda a Zambi kaakwivwa chiseke mumu hali Chivulumunyi umuwika yoze malumuka ku mbunge.”

Luka 15:7

Chimuwika nawa ngwami, chiseke chinji muchikabwa mwilu mumu hali Chivulumunyi umuwika yoze malumuka ku mbunge, kuhiana waze makumi livwa ni livwa akwa ululi, keeshi kwo ni Chuma cha kwalumuka ku mbunge.”

Luka 24:47

Ni chatamba kwambujola mu jina lienyi sango jino kuli mavungu eswe butu ku Yerusaleme. Ngwenu: ‘Alumukenu ku mbunge, mba Zambi manukonekena milonga yenu.’

Luka 9:6

Tumbaji yaaya kwo, yaabalika mu membo eswe, yaambujola Sango Jibema, yaawuka mieji kweswe.

Yilinga 11:18

Muze heevwa maliji wano, kaahamikine ko nawa. Yaachichimieka Zambi nikwamba ngwo: “Chamwenemwene Zambi hahana nawa kuli waze hi Ayuda ko kwalumuka cha mbunge hanga abwe ni mwono.”

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 20:21

Hingunashindakenya kuli Ayuda ni kuli waze hi Ayuda ko, ngwe chize chaatamba kwalumuna mbunge jo kuli Zambi ni kufuliela Mwene wetu Yesu.

Yilinga 26:20

Alioze hatangu yingwambujola mu Damasku ni mu Yerusaleme, mba mu chifuchi cheswe cha Yudea, ni mukachi ka waze hi Ayuda ko. Yingwambujola ngwami: ‘Alumukenu ku mbunge, nutewulukile kuli Zambi. Nulinge yitanga yize yinalweze kwalumuka cha ku mbunge.’

Yilinga 3:19

Kashika alumukenu ku mbunge, nuhiluke kuli Zambi, hanga anukonekene milonga yenu,