Marku 6:11 - Mukanda Wa Zambi 1970

¹¹ Nyi atu a kuma kuze keechi kanatambula hanji kunwivwa, katukenu ko ni kukukumuna fufuta ya ku molu jenu ha kwatoweza.”

MUKANDA USANDU WA ZAMBI 1975

¹¹ Ni kweswako kechi kanutambula, chipwe kunwivwa, ha kukatukamo, nukakukumwineho fufuta yize yili kushi lia yiliato yenu, yikape Shindakenyo kuli ayo. Pundu ngunambe kuli yenu ngwami, Kumuchikapwa chashi ha Sondome ni Ngomora ha tangwa lia upatwilo, chikalu ha limbo lize.

Marku 6:11 Iomraidhean Croise

Nehemia 5:13

Mba yingulikukumuna hina lize te ngunazala mu zalilo yami ni kulizula. Yingwalweza ngwami: “Chenacho makalinga Zambi kuli yenu nyi kunuchi kufunga chilakenyo chenu. Zambi makatambula mazuwo jenu ni yuma yenu yeswe, makanukatwisa mokomoko.” Atu eswe waze te anamana ko yaamba ngwo: “Chibwe kama Chenacho!” Mba yachichimieka Mwene Zambi. Miata yaafunga yilakenyo yo.

Mateu 12:36

“Ngunanwambulwila ngwami, ha Tangwa lia Ubatwilo, liji lieswe liamokomoko lize te atu akuhanjeka, maakalilumbununa.

Marku 6:10

Yaamba nawa ngwenyi: “Lieswe zuwo munukanjila, twamenu kwe kuze ndoo munukakatuka ko.

Luka 9:5

Kweswako keechi kanutambula, katukenu mu limbo lio. Kukumunenu fufuta ya ku molu jenu ha kwatoweza. Chikabwe shindakenyo kuli ayo.”

Yilinga 18:6

Alioze yaalimika nenyi ni kumushililika. Paulu yakukumuna fufuta ku mahina jenyi. (Ha chino, yaalweza ngwenyi, kanalihandununa no.) Mba yaamba ngwenyi: “Nyi munukafwa mu milonga yenu, ayo yinanutale. Yami ngunasambe. Chize ku haliabwila ngunayi kuli waze hi Ayuda ko.”

A-ROMA 2:16

Chenacho muchikabwa, nikulita ni Sango Jibema jize nakwambujola, ha tangwa lize Zambi makabatula yuma ya kuhengeka ya atu. Zambi makayibatula kuli Yesu Kristu.

A-ROMA 2:5

Alioze mbunge yikalu ukwete. Kuusolo kwalumuka. Kashika wakulitulikila lamba liahiana ha tangwa lize Zambi makasolola utenu wenyi wa ululi,

2 Petulu 2:6

Zambi yahisa membo a Sodome ni Gomora, yaanongesa ni kahia ha kwapwisa chilweza kuli atu abi hakutwala ku yuma yize muyikeza kuli ayo.

2 Petulu 2:9

Chenacho Mwene Zambi kananyingika chize mapulula atu jenyi ku yeseko, ni chize makafunga yivulumunyi mu lamba ndoo ku Tanga lia Ubatwilo.

2 Petulu 3:7

Alioze lilu ni hashi ya haliabwila kanayitulika ku liji lizeliene lia Zambi ha kuyonona ni kahia. Kanayifungu ndoo ku tangwa lize makabatwila yitanganyanyi ni kwoonona.

1 Yoano 4:17

Zango lia Zambi liakunyongonoka muli yetu, hanga tukabwe ni hamu ha Tangwa lia Ubatwilo, mumu mwono wetu hano hashi uli ngwe uze wa Kristu.

Yuda 1:7

Iwulukenu chize alingile akwa Sodome ni akwa Gomora ni yihunda yakusulangana, chimuwika nawa ni chize alingile tunganda a mwilu. Yaalinga utanji, yaabwa ni ndako yibi ya uutu. Kaali mu lamba lia kahia ka miaka yeswe, chilweze chize chakutukanyamisa yetu eswe.