Marku 5:23 - Mukanda Wa Zambi 1970

²³ Yaliumba kuli iye kuhiana ngwenyi: “Mwanami mukepe wa pwo kanahuzu. Tweya kama umuse moko, hanga ahinduke, abwe ni mwono.”

MUKANDA USANDU WA ZAMBI 1975

²³ Yaliumba kuli iye chikolo ngwenyi, Mwanami mukepe wa pwo kanahuzu: tweya kama, usayike moko je hali iye, hanga akapwe mungunu, akatwame ni mwono.

Marku 5:23 Iomraidhean Croise

1 MIANANGANA 5:11

Alioze Namane yalikasa ufwatulo ngwenyi: “Yami nanyonga ngwami, meza kuli yami hanga angulembele kuli Mwene Zambi, Zambi yenyi, ni kuhungisa haze hali musongo, hanga anguwuke!

Miaso (Masamu) 107:19

Mba mu lamba lio yaateta kuli Mwene Zambi, neye yaalamwina ku kubinda cho.

Miaso (Masamu) 50:15

Ngutambikenu ha tangwa lia lamba; mungunupulula, mba mununguchichimieka.”

Mateu 8:3

Yesu yolola kwoko, yamukwata nikwamba ngwenyi: “Ngunazange, bwako mubema!” Hazehene mwe mutu yabema ku musongo wenyi.

Marku 16:18

chibwe akakwate manoka hanji kunwa Chuma chimwe cha kufwa, kuchichi kaalinga nichimwe; kumakasa moko hali mieji, mba kumakahinduka.”

Marku 5:24

Yesu yaya nenyi. Mbunga yinene yaamukaula, yaamushinjeka.

Marku 6:13

Yaatuhwisa mwiku wa luchisa unji, yaawayisa mieji anji maji ni kwawuka.

Marku 7:32

Atu yaamunehena kafwa matwi kanda mukwa chilimi, yaamulembela amuse kwoko.

Marku 8:23

Yesu yamukwata ku kwoko, yamutwala haze lia limbo. Muze te hamukwita mate ha meso, yamusa moko, yamuhula ngwenyi: “Muuhasa kumona chimwe Chuma, nyi?”

Luka 13:13

Yamusa moko. Hazehene yoloka. Mba yabutuka kuchichimieka Zambi.

Luka 4:38

Yesu yakatuka mu zuwo lia kuwayila, yanjila mu zuwo lia Simone. Naye weno ya Simone te kanayiji kachiki munji. No yaamwambulwila yo.

Luka 4:40

Muze tangwa hilianjila kulu eswe waze abwile ni mieji a misongo yeka ni yeka yaatwala kuli Yesu. Neye yasa moko hali mutu ni mutu, yaawuka eswe.

Luka 7:12

Shimbu machikundama ku chikolo cha limbo, kuma te atu mufu anatwala ku mafuka. Mukweze yoze te mwana umuwika lume kuli naye, pwo yoze te hanafwisa lunga. Mbunga yinene ya atu a mu limbo abwile ko hamwe ni mwe pwo.

Yoano 11:3

Mandumbu waze aali yaatuma mutu ni kwambulwila Yesu ngwo: “Mwene, sepa lie kanayiji.”

Yilinga 28:8

Tato ya Publiu te kanayiji yikola ya kachiki, ni kulokoka mu jimo. Paulu yanjila mu zuwo lienyi, yamulembela ni kumusa moko. Neye yahinduka.

Yilinga 6:6

Mbunga yaatwala kuli tunganda. No yaalembela, yaasa moko.

Yilinga 8:17

Mba Petulu ni Yoano yaasa moko; no yaatambula Mwiku wa Linanga.

Yilinga 9:12

Neye hamona kulu mu Usolwelo lunga jina lienyi Anania, kananjila ni kumusa moko, hanga alaule ku meso.”

Yilinga 9:17

Mba Anania yaya, yanjila mu zuwo, yasa moko hali Saulu, ngwenyi: “Mukwetu Saulu, Mwene wangutumanga, mwe Yesu yoze unakatakana mu jila. Hangutuma hanga umone, ni hanga uzale ni Mwiku wa Linanga.”