Marku 5:22 - Mukanda Wa Zambi 1970

²² Hohene umwe mukwa kuyula wa zuwo lia kuwayila lia Ayuda yeza, jina lienyi Jairu muze hamona Yesu, yafulamana ku molu jenyi.

MUKANDA USANDU WA ZAMBI 1975

²² Mba, umwe wa kuli akwa kuyula sunangonga, jina lienyi Yaru, yeza; iye ha kumumona, yafulamana ku yiliato yenyi.

Marku 5:22 Iomraidhean Croise

Mateu 2:11

Akwa mana yaanjila mu zuwo, yaamona mwana hamwe ni naye Maria, yaafulamana, yaawayila mwe mwana, yaabakula yikashi yo, yaamulambula milambu ya oru, ni maji a vumba libema libano, ni mira.

Marku 5:33

Mwe pwo yakundama nikuchikima ni woma, mumu yanyingika chize habwa. Yafulamana ku meso ja Yesu, yamwambulwila umwenemwene weswe.

Marku 5:38

Yaaheta ku zuwo lia mukwa kuyula. Yesu yamona kulinyachinga cha atu. Anji anase choji ni kuyeka mbimbi chikolo.

Luka 13:14

Alioze mukwa kuyula zuwo lia kuwayila yevwa wuli ha chize Yesu awukile mutu ha tangwa lia kuhwima. Mba yambila mbunga ngwenyi: “Tukwete matangwa asambano a milimo. Tweyenu, kashika, ni kunuwuka ha matangwa waze, alioze hi ha tangwa lia kuhwima ko!”

Luka 5:8

Ha kuchimona, Simone Petulu yafulamana ku molu ja Yesu nikwamba ngwenyi; “Mwene ngukatuke mumu nguli Chivulumunyi!”

Luka 8:28

Muze hamona Yesu, yakololoka, yafulamana ku meso jenyi, yamba ni liji linene ngwenyi: “Kuchi yena ni yami, Yesu, Mwana wa Zambi Mwilu Mwahiana? Ngunakulembe kanda ungubinjisa kama!”

Yilinga 13:15

Muze te haatanga mikanda ya Shimbi ni ya akwa munanyi ja Zambi, akwa lutwe ja zuwo lia kuwayila yaatumina liji ngwo: “Akwetu, nyi nuli ni maliji a kutakamisa no atu, ahanjikenu.”

Yilinga 18:17

Mba ayo eswe yaakwata Sostene, mukwa lutwe wa zuwo lia kuwayila, yaamulamba kulutwe lia chisopelo. Alioze Galiu kalwile ko yuma yize yeswe.

Yilinga 18:8

Krispu, mukwa lutwe wa zuwo lia kuwayila lia Ayuda, yafuliela Mwene Yesu hamwe ni akwa zuwo lienyi eswe. Akwa Korintu akwo anji nawa, muze heevwa Paulu, yaafuliela. Mba yaapapachisa.

Usolwelo 22:8

Yami Yoano, nevwile yuma yino, nayimwene. Mba muze nayivwile, ni muze nayimwene, yingufulamana ku meso ja kanganda ka mwilu yoze wangulwezele yo ni kumuwayila.