Marku 5:15 - Mukanda Wa Zambi 1970

¹⁵ Yaaheta kuli Yesu, yaamona mutu yoze wabwile ni mwiku wa luchisa hatangu, kanatwama, hazala mahina, habwa ni manyonga a utu. No yeevwa woma.

MUKANDA USANDU WA ZAMBI 1975

¹⁵ Yeza kuli Yesu, yamona mukwa ndemoniu, yoze wapwile kushi ni tununu, kanatwama, kanazala hina, hapwa ni mana: no evwile woma.

Marku 5:15 Iomraidhean Croise

1 Sango Ja Mianangana 13:12

Mwanangana yevwila Zambi woma, yamba ngwenyi: “Lwangu mama! Ngwe kuchi munguhasa kuya ni we mushete wa Usendo haliabwila?”

1 Sango Ja Mianangana 15:13

Chisuho chitangu Mwene Zambi, Zambi yetu, yatumwesa lamba mumu yenu Alevi kunwabwile ko ni kuumbata nikulita ni Shimbi.”

Jobe 13:11

ni ndundo jenyi mujinuvwisa woma unji.

Miaso (Masamu) 14:5

Alioze kumaakevwa mwongo kuhiana, mumu Zambi kali hamwe ni waze akumwononokena.

Mateu 12:29

“Ngwe kuchi mutu mahasa kunjila mu zuwo lia chitakame ni kwiya yuma yenyi, nyi hatangu kanda achimukasa? Muze hamukasa, mba mahasa kwiya yuma yeswe mu zuwo lienyi.

Mateu 26:53

Kuwanyingikine ngwe, ngunahase kutambika Tata angukwase ni kungutumina tunganda a mwilu tununu kumi ni aali, nyi?

Mateu 4:24

Lufuma wenyi yafumana mu chifuchi cheswe cha Siria. Kashika, yaamunehena eswe waze ayijile misongo yeka ni yeka, ni waze amwene lamba lieka ni lieka, ni waze abwile ni mwiku wa luchisa, ni akwa chikonya, ni akwa kusosewa. Yesu yaawuka eswe.

Mateu 9:33

Muze Yesu hatuhwisa mwiku uze wa luchisa, kanaye yabutuka kuhanjika. Mbunga yaalishimwoka kuhiana nikwamba ngwo: “Kutwachimwene nilimwe tangwa mu Israele!”

Marku 5:14

Tufunga twa ngulu yaachina, yaanwanga sango jize mu limbo ni ku minda. Hohene atu yaaya ni kutala chize chabwile.

Marku 5:16

Waze achimwene yaambulula ngwe chize chabwile kuli mukwa mwiku wa luchisa ni kuli ngulu.

Marku 5:18

Shimbu Yesu machinjila mu wato, mutu yoze wabwile ni mwiku uze hatangu yaliumba kuli iye hanga akabwe nenyi.

Marku 5:4

Yisuho yinji amukashile moko ni molu ni ngoji ja utale, alioze yajibatwola lume. Niumwe kahashile kumuzeyesa.

Marku 5:9

Mba Yesu yamba ngwenyi: “Jina lie, yena iya?” Iye ngwenyi: “Jina liami ‘Anji’; mumu tuli anji.”

Luka 10:39

Neye yabwa ni mwanakwo umuwika, jina lienyi Maria. Neye yatwama ku molu ja Mwene, yevwavwa yize te analongesa.

Luka 8:27

Muze Yesu haheta ku tunda, mutu wa mu limbo yatakana nenyi, te mwiku wa luchisa akwete. Miaka yinji te keshi kuzala mahina ni keshi kutwama mu zuwo, alioze mu yivwenge ya mafuka.

Kolosu 1:13

Mwenawo hanatupulula ku tachi ja milima, hanatututulwila mu Wanangana wa Mwanenyi wa zango.

2 Timoteu 1:7

Mumu Mwiku uze atuhele Zambi kuushi kutuvwisa woma, alioze wakutwaha tachi, ni zango, ni mana a kuliyula.

1 Samuel 16:4

Samuel yalinga chize amwambile Mwene Zambi, yaya ku Betleheme. Makulwana a mu limbo yaamubatwiza nikuchikima, yaamuhula ngwo: “Nuneza kama ni uhwimino, nyi?”