Marku 5:13 - Mukanda Wa Zambi 1970

¹³ Yesu yautayiza. Hazehene mwiku wa luchisa yiutuhuka muli mutu, yiunjila muli ngulu. Chendo yaalundumuka ha mbongo, yaanjila mu chitende. Kwoka cho tununu aali. Eswe yaafwa mu meya.

MUKANDA USANDU WA ZAMBI 1975

¹³ Haze hene Yesu waatayijile. Ni maspiritu a luchisa atuhukile, anjilile muli ngulu, ni chendo alundumukine ha mbongo mu Chitende, ngwe tununu aali; afwile mu Chitende.

Marku 5:13 Iomraidhean Croise

1 Yitanga Ya Mianangana 22:22

Mwene Zambi ngwenyi: ‘Ngwe kuchi?’ We mwiku ngwenyi: ‘Munguya ni kushinjika akwa munanyi ja Ahabe eswe akahanjike mahuza.’ Mwe Zambi ngwenyi: ‘Yako ukamwonge, kumuukamukumba.’ ”

Jobe 1:12

Mwene Zambi yamukumbulula ngwenyi: “Kuheshi Chuma, yuma yenyi yeswe yili mu moko je, alioze iye mwene kanda umukwata.” Mba Sakwonga yaya kwenyi.

Jobe 2:6

Mwene Zambi ngwenyi: “Kuheshi Chuma, kali mu moko je, alioze kanda umushiha.”

Mateu 7:6

“Kanda nuhana yize ya chijila kuli tuwa. Nyi ka, maanutewulukila, maanuzamwona ni mazo. Kanda numbila kakanga kenu ku meso ja ngulu. Nyi ka, maakaliata.”

Mateu 8:32

Yesu yawamba ngwenyi: “Yeenu!” Newo yiutuhuka, yiunjila muli ngulu. Chendo yaalundumuka mu mbongo, yaanjila mu chitende, yaafwa.

Marku 5:12

Mwiku wa luchisa yiuliumba ngwenyi: “Tutume kama kuli ngulu, hanga tunjile mo.”

Marku 5:14

Tufunga twa ngulu yaachina, yaanwanga sango jize mu limbo ni ku minda. Hohene atu yaaya ni kutala chize chabwile.

Yoano 8:44

Nuli ana ja Tatenu Sakwonga. Nwakuzanga kulinga yize akuzanga Tatenu. Iye wabwile mukwa kushiha atu chize ku Ubutukilo. Kabwile ko mu umwenemwene nichimwe, mumu muli iye umwenemwene kuushimo. Muze akuhanjika mahuza, kakuhanjika nikulita ni ndako jenyi, mumu kali mukwa mahuza ni tato ya mahuza.

1 Petulu 3:22

Yesu Kristu hanazezuke mwilu, hanayi ni kutwama ku chindume cha Zambi. Kwenako akuyula tunganda a mwilu, ni akwa kuyula, ni akwa tachi akwo a mwilu.

Usolwelo 20:7

Muze kanunu ka miaka makamanunuka, mba makatusula Sakwonga ku zuwo lienyi lia lamba.

Usolwelo 9:11

Kaali ni mwanangana wo yoze wakwayula, kanganda ka muma mwajotoka. Jina lienyi mu hebreu ngwo, Abadone, mu greke ngwo, Apolione (kulumbunuka ngwo: “Mukwa Kushiha”).