Marku 4:5 - Mukanda Wa Zambi 1970

⁵ Yikwo yiiholokela homa ha mawe haze kuhabwile ko mavu anji. Mbuto yiisoka nikawashi, mumu te kuheshi ndama ya mavu.

MUKANDA USANDU WA ZAMBI 1975

⁵ Yikwo yaholokelele homa ha mawe, haze kuyapwile ni mavu anji; ni haze hene yasokele, mumu kuyapwile ni ndama ya mavu:

Marku 4:5 Iomraidhean Croise

Ezekiel 11:19

Mungukaaha mbunge jaha ni manyonga aha. Mungukachiza mbunge jo jikalu ja mawe ni kwaaha mbunge jize jakwononoka.

Ezekiel 36:26

Mungukanwaha mbunge yaha ni manyonga aha. Mungukanuchiza mbunge jikalu ngwe mawe ni kunwaha mbunge jinovula.

Hosea 10:12

Ngwami: ‘Limenu mavu aha, litumbilenu mihuko ya ululi, hanga nuhele mihuko ya yiwape ya kukunjika chenu kuli yami. Tangwa hiliaheta lia kutewulukila kuli yami Mwene Zambi yenu, mba mungunuwahisa.’

Amose 6:12

Tuvwalu kaakuzomboka ha yimawe, nyi? Atu kaakulima ni ngombe ha kalunga lwiji, nyi? Alioze yenu hinwalumuna ubatwilo uze unalite kubwa ulembe, ni ululi kubwa uhenge.

Mateu 13:20

Akwo kaalifwa ngwe mavu a ha mawe kuze kwakuholokela mbuto. Enoo akwivwa longeso, akulitambula hazehene ni uwahililo.

Marku 4:4

Muze te anakuwu mbuto, yimwe yiiholokela ku sesa lia jila. Tujila yeeza, yaayilia.

Marku 4:6

Alioze muze tangwa hiliasasaminya, yibuta yilekama, yiyuma chau, mumu te kuyishi miji.

Luka 8:13

Akwo kaalifwa ngwe mavu a ha mawe kuze kwakuholokela mbuto. Kaakwivwa liji lia Zambi, ni kaakulitambula ni uwahililo. Hindu lie liji kulishi miji muli ayo. Enoo akufuliela ha shimbu likepe, alioze muze yeseko yakwiza, kaakutalinga.

Luka 8:6

Yikwo yiiholokela ha mavu a mawe. Muze hiyasoka yiyuma chau, mumu kuyabwile ko ni meya.