Marku 4:40 - Mukanda Wa Zambi 1970

⁴⁰ Yesu yaahula ngwenyi: “Kuchi kevwe nunevu woma? Kanda nuchifuliela, nyi?”

MUKANDA USANDU WA ZAMBI 1975

⁴⁰ Iye wambile kuli ayo ngwenyi, Kuchi te nunasusumiana? Kuchi te kunushi Ufulielo?

Marku 4:40 Iomraidhean Croise

Izaya 42:3

Kechi kuwonda lumbungu yoze wamakuka, hanji kujima ndeya yize yinafwinji mwishi. Makakolesa atu hanga akaliendele ni ululi. Kechi kahonga hanji kukokoloka; akwa chifuchi kusuku maakashimbwila longeso lienyi.”

Izaya 43:2

Muze muubalika mu meya anji, mungubwa hamwe ni yena; lamba lie kulichi kukumba. Muze muwenda mu kahia, kuuchi kuwema; yeseko yikalu yize muyiza kuyichi kukulemeka.

Mateu 14:31

Hazehene Yesu yolola kwoko, yamukwata, yamwamba ngwenyi: “Ufulielo we ukepe! Kuchi te unayambashana?”

Mateu 16:8

Yesu yachinyingika, yaahula ngwenyi: “Kuchi kevwe nunalihanjekesa ngwenu: ‘Kanambe chino mumu kutushi mbolo’? Ufulielo wenu ukepe!

Mateu 6:30

Nyi Zambi kakujika mwambu wa mu yambu uze unasoloka musono ni hamene maaumbila mu kahia, kuma kechi kanujika kuhiana, nyi? Ufulielo wenu uli ukepe.

Mateu 8:26

Yesu yaakumbulula ngwenyi: “Kuchi nunevu woma? Ufulielo wenu ukepe!” Mba yakatuka, yakanjisa kangonga ni meya. Neyo yiihola lume kuluu.

Marku 4:41

Tumbaji yeevwa woma unji, yaalihanjekesa ngwo: “Awu mwene iya? Chibwe fuji ni meya yakumwononokena!”

Luka 8:25

Yesu yahula tumbaji ngwenyi: “Ulihi ufulielo wenu?” Alioze ayo yeevwa woma, yaalishimwoka kuhiana, yaalihanjekesa ngwo: “Awu mwene iya? Mambila chibwe fuji ni meya, neyo muyimwononokena!”