Marku 4:39 - Mukanda Wa Zambi 1970

³⁹ Yesu yalaula, yakanda kangonga ni meya ni liji lia tachi ngwenyi: “Hola zungo! Bwako kuluu!” Fuji yiihola, yikubwa lume kuluu.

MUKANDA USANDU WA ZAMBI 1975

³⁹ Iye walawile, wambilile fuji, mba wambile ku Chitende ngwenyi, Hwima, hola. Ni fuji yahwimine, kwapwile kuhola chinene.

Marku 4:39 Iomraidhean Croise

Jobe 38:11

Yingwambila meya ngwami: “Muusulila hano, kuuchi kuhiana. Mwavu we muukasulila hano.”

Miaso (Masamu) 107:29

Yakanjisa kangonga ahole, mba miavu yiihola.

Miaso (Masamu) 29:10

Mwene Zambi kakuyula ha jinga ha meya; kumabwa mwanangana ku miaka yeswe.

Miaso (Masamu) 65:7

Wakuholesa chizungozungo cha tulunga lwiji, ni chizungozungo cha miavu yo, ni chizungozungo cha atu.

Miaso (Masamu) 89:9

Wakuyula kalunga lwiji wa tachi, wakuholesa miavu yenyi ya ufwatulo.

Kutuhuka 14:16

Alioze yena, anda lukanda we, olola kwoko ha kalunga lwiji, hanga meya alihandunune, mba Aisraele azauke hashi homu.

Kutuhuka 14:22

mba Aisraele yaazauka hashi homu. Meya yaabwa ngwe chipanga sali ni sali.

Yishima 8:29

Nambile meya a mu kalunga lwiji ngwami, kanda azala kuhiana Shimbi ya Zambi. Kwe nabwile muze asele fundamentu ya hashi.

Jeremia 5:22

Yami nguli Mwene Zambi, mba kuchi kunushi kunguvwila woma? Mumu yika kunushi kuchikima ku meso jami? Hingunase masekeseke ngwe njiza ya kalunga lwiji, njiza yize kalunga lwiji kahashile kubalika. Kalunga lwiji mahasa kubinda, alioze meya keechi kahiana. Miavu muyihasa kulifwita, alioze kuyichi kubalika.

Lungungu 3:31

Mumu Mwene Zambi kali mukwa keke, kechi katumbila ndoo ku miaka yeswe.

Nahume 1:4

Kakwambila kalunga lwiji, mba moma chau! Kakumisa njiji. Yambu ya Bashane yinalele, mulundu wa Karmele unomu, yitemo ya Libano yinalekama.

Mateu 8:26

Yesu yaakumbulula ngwenyi: “Kuchi nunevu woma? Ufulielo wenu ukepe!” Mba yakatuka, yakanjisa kangonga ni meya. Neyo yiihola lume kuluu.

Marku 4:38

Alioze Yesu te kunyima lia wato ali, mu tulo, yashachila ha musau. Tumbaji yaamulawisa, ngwo: “Longeshi, nichimwe kuli yena, nyi? Tunafu!”

Marku 9:25

Yesu, ha kumona mbunga ni kukundama fuji, yakalumukina mwiku wa luchisa ngwenyi: “Yena mwiku wa kanaye kanda kafwa matwi, ngunakwambe ngwami, tuhuka muli iye. Kanda umunjila mo nawa.”

Luka 4:35

Yesu yakalukila mwiku wa luchisa ngwenyi: “Haa! Hola, tuhuka muli mutu yono!” Mwiku yiulimbwisa mwe mutu hashi ku meso ja eswe, yiumutuhuka; kuwamulemekene ko nichimwe.

Luka 4:39

Yesu yamukundama, yamuzulamina, yakanjisa kachiki. Kachiki yamuhwa. Hazehene naye weno ya Simone yakatuka, yabutuka kwalingila yakulia.

Luka 8:24

Mba yaamukundama, yaamulawisa, ngwo: “Mwene, Mwene, tunafu!” Yesu yalaula, yakanjisa kangonga ni kufuza cha meya, neyo yiihola lume kuluu!