Marku 4:36 - Mukanda Wa Zambi 1970

³⁶ Yaahichika mbunga. Mba tumbaji yaatwala Yesu mu wato uze te anatwama. Mato akwo nawa abwile hamwe no.

MUKANDA USANDU WA ZAMBI 1975

³⁶ Mba yahichika mbunga, yamutwala hamwe no mu ulungu, chizechene ngwe apwile, ni mato akwo nawa apwile hamwe nenyi.

Marku 4:36 Iomraidhean Croise

Mateu 8:23

Yesu yanjila mu wato. Tumbaji twenyi yaaya nenyi.

Marku 3:9

Yesu yambila tumbaji twenyi ngwenyi: “Nguselenu wato, ngumane mo,” hanga mbunga keechi kumushinjeka.

Marku 4:1

Yesu yabutuka nawa kulongesa ku mbumbulu ya chitende cha Galilea Mbunga yinene yaamukunguluka. Kashika yanjila mu wato, yatwa ma mo. Wato te mu meya uli, ye mbunga yaamana ku mbumbulu.

Marku 4:37

Susumuku kangonga wa tachi yeza. Miavu ya meya yiinjila mu wato, wato yiubutuka kuzala.

Marku 5:2

Muze Yesu hatuhuka mu wato, hazehene mukwa mwiku wa luchisa yatakana nenyi, mu yivwenge ya mafuka anakatuka.

Marku 5:21

Muze Yesu hazauka nawa musali, mbunga yinene yaakunguluka kuze ku mbumbulu ya chitende.

Marku 6:32

Mba yaaya ayo ene mu wato kuma kwa ukawo.

Luka 8:22

Limwe tangwa Yesu yanjila mu wato hamwe ni tumbaji twenyi, yaamba ngwenyi: “Tuzaukenu, tuye musali lia chitende.” No yaya.