Marku 4:34 - Mukanda Wa Zambi 1970

³⁴ Yaalongesa shina ni yishima. Alioze muze abwile ha ukawo, yalumbununa yuma yeswe kuli tumbaji twenyi.

MUKANDA USANDU WA ZAMBI 1975

³⁴ kahanjikile kuli ayo shina ni chishima; alioze walumbunwine yuma yeswe kuli tumbaji twenyi ukawo.

Marku 4:34 Iomraidhean Croise

Mateu 13:34

Yesu yalongesa mbunga yuma yize yeswe ni yishima. Kahanjikile no liji nilimwe shina ni yishima.

Marku 4:10

Muze Yesu kabwile ko nawa ni mbunga yinene, amwe atu waze amujingilikile, hamwe ni tumbaji kumi ni aali yaamuhula ulumbunwiso wa yishima yize.

Marku 4:33

Ni yishima yinji ngwe yino, Yesu yaalongesa liji lia Zambi nikulita ni kuhasa cho.

Luka 24:27

Mba Yesu yaalumbunwina Mukanda wa Zambi weswe hakutwala kuli iye mwene, butu ku Mikanda ya Mose ndoo ku mikanda yeswe ya akwa munanyi a Zambi.

Yoano 10:6

Yesu yaatela, chishima chino, alioze kuchaalumbunukinyine ko.

Yoano 16:25

“Hingunanwambulwila yuma yeswe ni yishima. Tangwa mulikeza muze chichi kahanjika ni yishima, alioze mungukanwambulwila pundu yuma yeswe yakutwala kuli Tata.

Yilinga 28:23

No yaatongola tangwa lia kuhanjika ni Paulu. Mba mbunga yinene yeezaza ni kumunangisa ku zuwo lize te atwama. Chize ku chichamene ndoo ku chingoloshi Paulu yaalumbunwina nikushindakenya hakutwala ku Wanangana wa Zambi, yeeseka kwakununa ha chikuma cha Yesu. E maliji waze alongesele te a mu mukanda wa Shimbi ja Mose ni mu mikanda ya akwa munanyi a Zambi.