Marku 4:32 - Mukanda Wa Zambi 1970

³² Alioze muze kakutaka, chibuta chawo chakubwa chinene chahiana yibuta yeswe. Chakutanda mitango yinene yinene, ni tujila kakutunga yaswa mu chizulie chacho.”

MUKANDA USANDU WA ZAMBI 1975

³² Alioze muze hamukuwa, matatuka, mapwa munene Wahiana yiputa yeswe, matangala mitango yinene; chocho tujila a mwilu mahasa kutwama mu Chizulie chawo.

Marku 4:32 Iomraidhean Croise

Miaso (Masamu) 104:12

Ku mitondo yize yili hakamwihi, tujila kaakutunga ko yaswa yo, ni kwimbamba miaso.

Miaso (Masamu) 91:1

Mweswawo wakuya kuli Mwene Zambi, Mukwa Ndundo Jeswe, hanga amufunge,

Yishima 4:18

Jila ya akwa ululi yili ngwe kuvumbuka cha tangwa, kuliakutemuka hakepe hakepe ndoo tangwa mulisoloka liakulu.

Mwaso Ubema Wahiana 2:3

Ngwe mutondo wa mawundu mukachi ka mitondo ya mu usaki, Chenacho mukwa zango wami abwa mukachi ka malunga akwo. Nakuzanga kutwama mu chizulie chawo, mihuko yawo kuyayema mu kanwa liami.

Izaya 11:9

Ha Zione, mulundu wa chijila wa Zambi, kuhechi kabwa Chuma chimwe cha yikola hanji chibi. Chifuchi cheswe muchikazala ni malinjekela a Mwene Zambi ngwe chize tulunga lwiji akuzala ni meya.

Izaya 32:2

Mutu mweswe wa kuli ayo makabwa ngwe chiswamo cha fuji, ngwe uchinyino mu kangonga. Kumaakabwa ngwe yitwetwe ya mu puya, ngwe chizulie cha luliwe mu chifuchi chamokomoko.

Lungungu 4:20

Mwanangana yoze Mwene Zambi atongwele, mwe chishina cha mwono wetu, yaamwoza mu mawumbu jo. Kali yoze twakujikijila kutufunga mukachi ka mavungu akwo.

Ezekiel 17:23

ha mulundu usuku Wahiana mu Israele. Muukasokesa mitango ni kwima mihuko ukabwe sedru Ubema kuhiana. Tujila eka ni eka maakatunga mo yaswa yo ni kutwama mu chizulie chawo.

Mateu 13:32

Mwenawo mukepe Wahiana nona jeswe. Alioze muze hichasoka, chakubwa chinene chahiana yibuta yeswe. Mba tujila kaakwiza ni kutunga yaswa ku mitango yawo.”

Marku 4:31

Kuwalifwa ngwe chino. Umwe mutu kanande lunona wa chimwe chibuta, mostarde. Muze akumutumba kali mukepe Wahiana nona jeswe ja hashi.

Marku 4:33

Ni yishima yinji ngwe yino, Yesu yaalongesa liji lia Zambi nikulita ni kuhasa cho.