Marku 4:24 - Mukanda Wa Zambi 1970

²⁴ Neye yaambila nawa ngwenyi: “Kanyamenu ku yuma yize nwakwivwa. Yeseko yize nwakwesekela akwenu, Zambi makanwesekela yo kumakanuwezela yikwo nawa.

MUKANDA USANDU WA ZAMBI 1975

²⁴ Iye wambile kuli ayo ngwenyi, Kanyamenu ha chize munwivwa: ni cheseko chize munweseka nacho kumakanwesekela; ni kuli yenu nwakwivwa, kumakanuwezela yikwo.

Marku 4:24 Iomraidhean Croise

Yishima 19:27

Mwanami, nyi wecha kulilongesa, ha shimbu likepe muuvulama yize walilongesele kulu.

Izaya 55:3

“Atu jami, banjikenu, tweyenu kuli yami; tweyenu kuli yami hanga nubwe ni mwono! Mungukolesa ni yenu Usendo wa miaka yeswe, ni kunuwahisa ngwe chize nalakenyene David.

Jeremia 17:21

Alweze ngwe, nyi kaanazange mwono wo, kanda ambata yuma yilemu ha tangwa lia kuhwima; hanji kunjila nayo mu yikolo ya Yerusaleme,

Mateu 7:2

Mumu Zambi makanuhisa nikulita ni chize nwakuhasa akwenu. Makanwesekela yeseko yize nunesekela akwenu.

Marku 9:7

Lelwa yilisoloka, yiliazulamina chizulie. No yeevwa liji mu lelwa ngwo: “Yono mwe Mwanami yoze nakuzanga kuhiana, mwivwenu.”

Luka 8:18

“Kanyamenu ha chize nwakwivwa, mumu yoze ukwete, makamuwezela yikwo, alioze yoze keshi nacho, makamuchiza chibwe chize chikepe ananyongo ngwenyi, kali nacho.”

Yoano 10:16

Mapanga akwo nguli no waze keeshi mu tanga lino. Changutamba kwaneha nawa. Maakevwa liji liami, mba maakabwa chendo chimuwika ni kafunga umuwika.

Yoano 10:27

Mapanga jami kaakwivwa liji liami, ni yami ngunaanyingika, no kaakungukama.

Yoano 5:25

Chamwenemwene ngunanwambe ngwami, ola muyiza, hiyeza kulu, muze afu maakevwa liji lia Mwana Zambi, ni muze maakalivwa, maakabwa ni mwono.

Yilinga 17:11

Atu wano abemene kuhiana waze a ku Tesalonika, mumu atambwile maliji a Mwene Yesu ni mbunge yimuwika. Tangwa ha tangwa te kaakuhengula mu Mukanda wa Zambi, hanga amone nyi yuma yize analongesa Paulu yinalite,

2 Korintu 9:6

Nyingikenu ngwenu, yoze matumba mbuto yikepe, makahela yikepe, yoze matumba yinji, makahela yinji.

Hebreu 2:1

Kashika, chatutamba kwononokena kanawa yuma yamwenemwene yize twevwile. Nyi ka, mutupianguka.

1 Petulu 2:2

Bwenu ngwe ana a kemba waze anasemuka haliabwila: zangenu tangwa ha tangwa yamwa yibema ya uzambi, mba munutatuka ni manulamwina muze nunayinu.

1 Yoano 4:1

Akwetu, kanda nufuliela eswe waze akwamba ngwo, Mwiku wa Zambi akwete, alioze esekenu ha kumona nyi Mwiku uze ali nawo kuuli wa kuli Zambi, nyi ka. Mumu akwa munanyi a mahuza anji haanamwangana hashi heswe.