Marku 4:19 - Mukanda Wa Zambi 1970

¹⁹ alioze yibikalo ya mwono uno, kwonga cha ubite, ni usona wa yuma yeka ni yeka yakukeketesa lie liji. Kashika, kulishi kwima mihuko.

MUKANDA USANDU WA ZAMBI 1975

¹⁹ alioze yipikalo ya mwaka uno, ni kwonga cha upite, ni usolo wa yuma yikwo ha kunjila, muyikeketesa lie liji, mulikunda.

Marku 4:19 Iomraidhean Croise

Yishima 23:4

Kanyama, kanda ulikatalisa kubwa pichi.

Yishima 23:5

Mumu ubite we muuhasa kutoka nikawashi; muusoka mapulwa ni kuhumuka ngwe tela.

Longeshi 4:8

Kuli umwe mutu yoze watwama ukawenyi. Keshi mwana, keshi mwanakwo, alioze kakuhondangana, hindu keshi kuwahilila ni ubite uze ali nawo. Mba iya akuhondanganyina chichize ni kulituna kuwahilila chenyi mwene? Chili nawa chamokomoko, uli kwawo mwono wa lamba.

Izaya 5:2

Yauchiba ni kuchiza mo mawe, yatumba mo mitondo ya vinyu yiyema. Yautungila zuwo lisuku lia kuufunga, yafula mo wina wa ukamino, Mba yashimbwila mihuko yibema ya vinyu, alioze yimwima lume mihuko yisasu.

Izaya 5:4

Chimwe Chuma chasala ko chize chalingile mu munda wami, nyi? Mba mumu yika, nashimbwilile ngwami wime mihuko yibema, alioze yikwima mihuko yisasu?

Mateu 13:22

Akwo akutambula mbuto mukachi ka mingonga. Enoo akwivwa longeso, alioze yibikalo ya hashi hano ni kwonga cha ubite yakukeketesa longeso, mba muliseka.

Mateu 19:23

Mba Yesu yambila tumbaji twenyi ngwenyi: “Chamwenemwene ngunanwambulwila ngwami, chikalu pichi kunjila mu wanangana wa mwilu.

Mateu 3:10

Zambi hasa kulu njimbu ku miji ya mitondo. Mutondo weswe uze kuushi kwima mihuko yibema maupakula ni kuumbila mu kahia.

Marku 4:18

Akwo akutambula mbuto mukachi ka mingonga. Enoo akwivwa liji lia Zambi,

Luka 10:41

Mwene yamukumbulula ngwenyi: “Marta, Marta! Wakulibikala ni kulihapisa ha yuma yinji.

Luka 21:34

“Kanyamenu yenwene! Mbunge jenu kanda jilema ni yiteleka, ni kuzengewa, ni yibikalo ya mwakono. Nyi ka, tangwa lize mulikanutungumuna.

Yoano 15:2

Kakubatula mutango weswe muli yami uze kuushi kwima mihuko. Kakuselela mutango weswe uze wakwima mihuko. Kakuubemesa hanga ukeme mihuko yahiana.

A-ROMA 12:2

Kanda nulitesa ni ndako ya hano hashi alioze tayizenu Zambi anwalumune manyonga jenu. Mba munuhasa kunyingika upale wa Zambi, yuma yibema, ni yize yakumuwahila, ni yize yinalite.

Efesu 2:2

Ha miaka yize te nwakwenda nikulita ni ndako yibi ya uutu ya hano hashi. Yinwononokena mwanangana wa tachi ja mu tetela, mwiku uze wakulinga haliabwila muli atu waze keeshi kwononokena Zambi.

Efesu 6:12

Mumu kutushi kulimika ni atu, alioze ni mwiku ubi wa tachi jinji, ni akwa kuyula, ni akwa ndundo, ni mianangana a milima a mwakono.

Filipu 4:6

Kanda nulibikala ha Chuma nichimwe, alioze ha yuma yeswe liumbenu kuli Zambi ha kumwita yize nunahono. Mwitenu ni mbunge yakusakwila.

1 Timoteu 6:17

Hana Shimbi kuli waze ali ni ubite wa hano hashi ngwe, kanda alengumuka. Alweze ngwe, kanda asa mbunge jo ku ubite uze hi wamwenemwene ko. Shinoho ase mbunge jo kuli Zambi, yoze wakutwaha yuma yeswe yakulumbama, hanga tukawahilile nayo.

2 Timoteu 4:10

Dema hangwehuka, mumu kakuzanga yuma ya hano hashi. Haya ku limbo lia Tesalonika. Kresene haya ku chifuchi cha Galashia, ni Titu ku chifuchi cha Dalmashia.

2 Petulu 1:8

Chanutamba kubwa ni ndako ngwe jino. Nyi nwabwa Chenacho, mba mununyingika Mwene wetu Yesu Kristu kanawa, ni kutakama.

Yuda 1:12

Muze yenu akwa Kristu nwakulia ku yiteleka yenu ya zango, atu wano kaali ngwe yibeka muze akulia ni kunwa kuhiana, keeshi sonyi. Kaakulinyonga ayo ene. Kaali ngwe malelwa waze akuhungumuka ni fuji, alioze keeshi kunoka vula. Kaali ngwe mitondo yize kuyishi kwima mihuko chibwe tangwa lia mihuko hiliaheta, mitondo yize hiyinatangumuka, yakuma liakulu.