Marku 4:16 - Mukanda Wa Zambi 1970

¹⁶ Chimuwika nawa, ni waze akutambula mbuto ha mawe. Kaakwivwa liji lia Zambi, ni hazehene kaakulitambula ni uwahililo.

MUKANDA USANDU WA ZAMBI 1975

¹⁶ Waze chizechene maakuwa homa ha mawe, waze, muze te hevwa lie liji, haze hene malitambula ni uwahililo.

Marku 4:16 Iomraidhean Croise

Mateu 13:5

Yikwo yiiholokela homa ha mawe, haze kuhabwile ko mavu anji. Mbuto yiisoka nikawashi, mumu te kuheshi ndama ya mavu.

Marku 4:15

Atu akwo kaalifwa ngwe sesa lia jila, kuze kwakuholokela lie liji. Enoo akulivwa, alioze hazehene Sakwonga kakuchiza liji lize akuwile muli ayo.

Marku 4:17

Hindu ye mbuto miji kuyishi kuya kusuku. Kaakunyongonona ha shimbu likepe, alioze muze lamba hanji yihungumiona yakwiza mumu ha lie liji, hazehene maatalinga.

Marku 6:20

mumu Herode yevwila Yoano woma, yanyingika ngwenyi, kali mukwa ululi kanda munangi. Kashika, yamufunga kanawa. Herode yakakashana kuhiana muze amuvwile, alioze yawahilila kumwivwa.

Luka 8:13

Akwo kaalifwa ngwe mavu a ha mawe kuze kwakuholokela mbuto. Kaakwivwa liji lia Zambi, ni kaakulitambula ni uwahililo. Hindu lie liji kulishi miji muli ayo. Enoo akufuliela ha shimbu likepe, alioze muze yeseko yakwiza, kaakutalinga.

Yoano 5:35

Yoano wabwile ngwe ndeya yakuwika yize yinapanguka. Nwawahililile ni kubwa nenyi shimbu likepe.

Yilinga 26:28

Agripa yamwamba Paulu ngwenyi: “Hasala hakepe Unanyongo kungupwisa mukwa Kristu, nyi?”

Yilinga 8:13

Chibwe Simone iye mwene yafuliela. Ni muze te hamupapachisa, yanyongonona ni Filipe, yalishimwoka ha yipupu ni yikomokeso yize te akulinga.