Marku 4:15 - Mukanda Wa Zambi 1970

¹⁵ Atu akwo kaalifwa ngwe sesa lia jila, kuze kwakuholokela lie liji. Enoo akulivwa, alioze hazehene Sakwonga kakuchiza liji lize akuwile muli ayo.

MUKANDA USANDU WA ZAMBI 1975

¹⁵ Waze ku sesa lia jila, haze makuwa liji; muze te hevwa, haze hene Satana meza, machiza lie liji lize halikuwa mu mbunge jo.

Marku 4:15 Iomraidhean Croise

Ubutukilo 19:14

Mba Lote yaya ni kulweza waze ambile kulimbata ni anenyi a mapwo ngwenyi: “Lipupwisenu nukatuke mu limbo lino, mumu Mwene Zambi kumalionona.” Alioze ayo yaanyonga ngwo, Lote miselo anahanjika.

Izaya 53:1

Mavungu maakumbulula ngwo: Iya te mahasa kufuliela kama sango jetu? Iya te mahasa kumona kama ndundo ja Mwene Zambi mu yuma yino?

Zakaria 3:1

Mu Usolwelo ukwo Mwene Zambi yangulweza Yoshua, mwata wa mahako a Zambi kanamana kulutwe lia kanganda ka Mwene Zambi. Kwenako ku chindume cha mwe Yoshua, Sakwonga kanamana amusume mulonga.

Mateu 13:19

Waze akubanjika ku longeso lia Wanangana wa Zambi, alioze kulialumbunukine, kaalifwa ngwe sesa lia jila kuze kwakuholokela mbuto. Sakwonga kakwiza ni kuchanga yize akuwile mu mbunge jo.

Mateu 22:5

Alioze waze alakenyene yaachilelesa, yaayaya ku milimo yo, awu ku munda wenyi, awu ni kulanjisa yuma yenyi,

Mateu 4:10

Yesu ngwenyi: “Katuka Sakwonga! Mumu hichinasonewa mu Mukanda wa Zambi ngwo: ‘Ukawayile Mwene Zambi ye, ukamulingile iye waka!’ ”

Marku 4:14

Chikuwa kakukuwa liji lia Zambi.

Marku 4:16

Chimuwika nawa, ni waze akutambula mbuto ha mawe. Kaakwivwa liji lia Zambi, ni hazehene kaakulitambula ni uwahililo.

Marku 4:4

Muze te anakuwu mbuto, yimwe yiiholokela ku sesa lia jila. Tujila yeeza, yaayilia.

Luka 8:12

Atu akwo kaalifwa ngwe sesa lia jila, kuze kwakuholokela ye mbuto. Alioze Sakwonga, kakwiza ni kuchiza liji mu mbunge jo ha kwakinda kufuliela, hanga Zambi kechi kaalamwina.

Yilinga 17:32

Muze heevwa sango ja uhindukilo wa afu, akwo yaamuseha, alioze akwo ngwo: “Mutukakwivwa tangwa likwo nawa.”

Yilinga 5:3

Petulu yamwamba ngwenyi: “Anania, kuchi kevwe Sakwonga anjilanga mu mbunge ye uhanjike mahuza kuli Mwiku wa Linanga, ni kusweka Chihanda cha mbongo ja munda?

2 Korintu 2:11

hanga Sakwonga kechi katwonga. Mumu tunanyingika mana jenyi.

2 A-TESALONIKA 2:9

Mwe Chilumbule makeza ni tachi ja Sakwonga, makalinga yilayi yeka ni yeka ni yinyingi, ni yipupu ya kwonga.

Hebreu 12:16

Kanyamenu, niumwe kanda alinga utanji chibwe kulelesa yuma ya kulinanga, ngwe Esau yoze Walanjishile chiyulo cha ukulwana wenyi kuli mwanakwo ha yakulia ya chisuho chimuwika.

Hebreu 2:1

Kashika, chatutamba kwononokena kanawa yuma yamwenemwene yize twevwile. Nyi ka, mutupianguka.

1 Petulu 5:8

Limukenu, kanyamenu! Mumu mukwa kole yenu, Sakwonga, kakwendangana ngwe tambwe yoze wakukenana, ni kufupa yoze malia.

Usolwelo 12:9

Ngongo yoze munene yaamumbila haze. Kali kapela mukulu, yoze alukile ngwo, Sakwonga, yoze wakwonga atu eswe. Yaamumbila hashi hamwe ni tunganda twenyi eswe.

Usolwelo 20:10

Mba Sakwonga, yoze te waakwonga, yamunyasa mu wina wa kahia ni fundanga, kuze anyashine kulu ngongo yoze munene ni mukwa munanyi wa mahuza. Kwenako makaamwesa lamba mwalwa ni ufuku, ku miaka yeswe ni miaka yeswe.

Usolwelo 20:7

Muze kanunu ka miaka makamanunuka, mba makatusula Sakwonga ku zuwo lienyi lia lamba.