Marku 3:8 - Mukanda Wa Zambi 1970

⁸ ni ku limbo lia Yerusaleme, ni ku chifuchi cha Idumea, ni muze musali lia Yordau, ni ku chifuchi chize chasulangana ni membo ja Tiru ni Sidone. Mbunga yino yinene yeeza kuli Yesu mumu te heevwa yuma yize alingile.

MUKANDA USANDU WA ZAMBI 1975

⁸ ni cha ku Yerusaleme, ni cha ku Indumeya, ni kuze kanda lia Yordau, ni waze a ku chifuchi cha kujingilika Teru ni Sendone, chizavu chinene ha kwivwa yuma yinene alingile, ejile kuli iye.

Marku 3:8 Iomraidhean Croise

Miaso (Masamu) 45:12

Akwa limbo lia Tiru maakunehena yawana, pichi maakufupa hanga walingile yibema.”

Miaso (Masamu) 87:4

Kanambe ngwenyi: “Mungukavuluka akwa Egiptu ni Ababilonia, mukachi ka akwa yifuchi waze akungwononokena; mungukalula Afilistia ni Atiru, ni Asudane mukachi ka akwa Yerusaleme.”

Izaya 34:5

Mwene Zambi hanalulika kulu mukwale wenyi mwilu, haliabwila makamwesa Aedome lamba, atu waze hanaabatwila ni kwoonona.

Ezekiel 35:15

ngwe chize yena wawahilile ha kwenyeka cha Israele, chihinga cha yami mwene. Milundu ya Seire, ewa, chifuchi cheswe cha Edome kumaakachenyeka. Mba atu eswe maakanyingika ngwo, yami nguli Mwene Zambi.”

Ezekiel 36:5

“Yami, Mwene Zambi, ni ufwatulo wami hingunabajila mavungu waze akujingilika, chibichibi Aedome. Ni uwahililo ni kaleleso yaatambula chifuchi chami ni we ulishilo wacho.

Mateu 11:21

Yaamba ngwenyi: “Lamba lienu akwa Korazine, lamba lienu akwa Betsaida! Mumu, nyi yipupu yize alingile muli yenu, ayilingile nawa mu Tiru ni Sidone, kachi atu jamo te haanazala kulu mwanji ni kulikwita uto ha kulweza ngwo, haanalumuka ku mbunge.

Mateu 4:25

Mbunga jinene yaamukaula, waze akatukile ku chifuchi cha Galilea, ni ku Membo Kumi, ni ku limbo lia Yerusaleme, ni ku chifuchi cha Yudea, ni ku chifuchi cha musali lia Yordau.

Marku 7:24

Yesu yakatuka ko, yaya ku chifuchi chize chakusulangana ni limbo lia Tiru, yanjila mu limwe zuwo. Kazangile niumwe kunyingika kuze te ali, hindu kahashile kuswama.

Marku 7:31

Yesu yakatuka mu chifuchi chakusulangana ni Tiru, yaya mu jila ya Sidone ndoo mu chifuchi cha Membo Kumi ni kuhiluka ku chitende cha Galilea.

Luka 6:17

Yesu yapalumuka ha mulundu hamwe no. Yamana hamwe homa hasalama, haze habwile mbunga yinene ya tumbaji twenyi. Yihabwa nawa mbunga Yinene ya atu a mu chifuchi cheswe cha Yudea, ni a mu Yerusaleme, ni a mu membo ja Tiru ni Sidone, ku mbumbulu ya kalunga lwiji.

Yoshua 15:1

Majiko ja vungu lia Yuda yaatambula Chihanda cho cha chihinga chino. Che chifuchi te kuchaheta ndoo ku sude ya puya ya Zine, ku njiza ya Edome.

Yoshua 15:21

Membo a ku sude, hehi ni njiza ya Edome, waze atambwile te makumi aali ni livwa hamwe ni yihunda yize ya kusulangana. Enaa: Kabzele, ni Edere, ni Jagure, ni Kina, ni Dimona, ni Adada, ni Kedeshe, ni Hazore, ni Itnane, ni Zife, ni Teleme, ni Bealote, ni Hazore Hadata, ni Keriote Hezrone (hanji Hazore), ni Amame, ni Shema, ni Molada, ni Hazare Gada, ni Heshmone, ni Betepelete, ni Hazare Shuale, ni Bersheba, ni Biziotia, ni Bala, ni Ime, ni Ezeme, ni Eltolade, ni Chesile, ni Horma, ni Ziklage, ni Madmana, ni Sansana, ni Lebaote, ni Shilime, ni Ayine, ni Rimone.