Marku 3:7 - Mukanda Wa Zambi 1970

⁷ Hohene Yesu yaya ku chitende hamwe ni tumbaji twenyi. Mbunga yinene yaamukaula. Haanakatuka ku chifuchi cha Galilea ni cha Yudea,

MUKANDA USANDU WA ZAMBI 1975

⁷ Mba Yesu hamwe ni tumbaji twenyi akatukile akaye ku Chitende: ni chizavu chinene cha ku Ngalileya amukawile, ni cha ku Yundeya,

Marku 3:7 Iomraidhean Croise

Mateu 10:23

Muze maakanuhungumiona mu limbo limwe, chinyinenu ku likwo. Chamwenemwene ngunanwambulwila ngwami, kunuchi kamanununa kwendangana mu membo eswe a Israele ndoo mwe Mwana Mutu makeza.

Mateu 12:15

Muze Yesu hachivwa, yakatuka ko. Mbunga yinene yaamukaula. Yesu yawuka mieji eswe.

Mateu 12:16

Alioze yaakanjisa chikolo ngwenyi: kanda akamusolola.

Mateu 4:25

Mbunga jinene yaamukaula, waze akatukile ku chifuchi cha Galilea, ni ku Membo Kumi, ni ku limbo lia Yerusaleme, ni ku chifuchi cha Yudea, ni ku chifuchi cha musali lia Yordau.

Marku 1:39

Mba yaya ku chifuchi cheswe cha Galilea, yambujola mu mazuwo jo a kuwayila, yatuhwisa mwiku wa luchisa.

Marku 1:45

Alioze mutu yoze yatuhuka, yachinyingikisa kweswe ni kuchifumanyisa. Kashika Yesu kahashile ko kusoloka nawa ku meso ja atu mu membo alioze yabwa ha ukawenyi. Atu a ku sali ni sali yeezaza kuli iye.

Marku 3:20

Yesu yahiluka mu zuwo. Mba mbunga yaakundama nawa. Ha chino, Yesu ni tumbaji twenyi kaahashile chibwe kulia.

Marku 4:1

Yesu yabutuka nawa kulongesa ku mbumbulu ya chitende cha Galilea Mbunga yinene yaamukunguluka. Kashika yanjila mu wato, yatwa ma mo. Wato te mu meya uli, ye mbunga yaamana ku mbumbulu.

Luka 23:5

Alioze yaashindakenya kuhiana ngwo: “Kakuvundula atu ni longeso lienyi! Hanabutuka mu chifuchi cha Galilea, hanabalika mu chifuchi cheswe cha Yudea, ni haliabwila haneza ndoo kuno.”

Luka 6:12

Ha matangwa waze Yesu yakanduka ha mulundu mu kulemba, yahwishila ko ufuku weswe ni kulemba Zambi.

Luka 6:17

Yesu yapalumuka ha mulundu hamwe no. Yamana hamwe homa hasalama, haze habwile mbunga yinene ya tumbaji twenyi. Yihabwa nawa mbunga Yinene ya atu a mu chifuchi cheswe cha Yudea, ni a mu Yerusaleme, ni a mu membo ja Tiru ni Sidone, ku mbumbulu ya kalunga lwiji.

Yoano 7:41

Akwo yaamba ngwo: “Yono mwe Chilamwina yoze Zambi alakenyene!” Alioze akwo ngwo: “Kuma Chilamwina yoze Zambi alakenyene makatuka ku Galilea, nyi?

Yoano 7:52

Yaamukumbulula ngwo: “Haa! Ni yena nawa uli Kagalilea, nyi? Hengula mu Mukanda wa Zambi, umone ngwe, niumwe mukwa munanyi wa Zambi wakukatuka ku Galilea” [

Yilinga 17:10

Hazehene ha ufuku, akwa Kristu yaatwala Paulu ni Sila ku limbo lia Berea. Muze haaheta ko, yaanjila mu zuwo lia kuwayila lia Ayuda.

Yilinga 17:14

Hohene akwa Kristu yaatwala Paulu ndoo ku kalunga lwiji, alioze Sila ni Timoteu yaasala ko.

Yoshua 20:7

Mba ku sali lia chitokelo lia lwiji Yordau, mu Galilea, yaatongola Kadeshe, mu chifuchi cha milundu cha Naftali; ni Shekeme, mu chifuchi cha milundu cha Efraime; ni Hebrone, mu chifuchi cha milundu cha Yuda.