Marku 3:3 - Mukanda Wa Zambi 1970

³ Yesu yambila mukwa kwoko liasosewa ngwenyi: “Katuka, umane mukachi ka atu eswe.”

MUKANDA USANDU WA ZAMBI 1975

³ Iye yamba kuli mutu yoze wapwile ni kwoko lia kusosewa ngwenyi, Katuka, umane mukachi.

Marku 3:3 Iomraidhean Croise

Daniel 6:10

Muze Daniel hevwa ngwo, mwanangana hasoneka jina lienyi mu mukanda wa Shimbi, yaya ku mahienyi. Mu chibatulo cha zuwo lienyi cha kwilu yimubwa tupenda waze te atala ku Yerusaleme. Kwenako asele makungunwa hashi ni kulemba Mwene Zambi yisuho yitatu tangwa ha tangwa, nikulita ni ndako yenyi.

Mateu 12:10

Yimubwa umwe mukwa kwoko liasosewa. Amwe waze abwile mo yaazanga kusuma Yesu mulonga. Kashika, yaamuhula ngwo: “Muchilita ni Shimbi kuwuka mutu ha tangwa lia kuhwima, nyi?”

Marku 3:2

Amwe atu yaalayila Yesu nyi mawuka mweji yoze ha tangwa lia kuhwima, hanga akamusume mulonga.

Marku 3:4

Mba yahula waze amutalile ngwenyi: “Shimbi jetu kuchi jinatayiza kulinga ha tangwa lia kuhwima; kulinga yibema hanji kulinga yibi? Kulamwina mutu hanji kumwonona?” Alioze yaahola kuluu.

Luka 6:8

Alioze Yesu yanyingika manyonga jo, yambila mukwa kwoko liasosewa ngwenyi: “Katuka, umane mukachi ka atu eswe.” Neye yakatuka, yamana mukachi.

Yoano 9:4

Chatutamba kumanununa yitanga ya yoze wangutumine shimbu kuchili mwalwa. Ufuku uneza kuze niumwe mahasa kulinga milimo.

1 Korintu 15:58

Kashika, akwetu akwa Kristu, manenu nguu, kanda nukokoloka. Takamenu matangwa eswe mu milimo ya Mwene Yesu, mumu nunanyingika ngwenu, Chuma nichimwe chize nwakulinga mu milimo ya Mwene muchikabwa chamokomoko.

Galashia 6:9

Kanda tukokoloka ha kulinga kanawa, mumu tangwa mulikeza lize mutukahela mihuko, nyi kutwakokolokele.

Filipu 1:14

Akwetu anji anafuliela Mwene Yesu kuhiana ha kumona chize nguli mu zuwo lia lamba. Ha chino kaanahamuka kuhanjika maliji a Zambi, keeshi woma.

1 Petulu 4:1

Kristu lamba amwene mu mujimba. Kashika ni yenu nawa, litakamisenu ni manyonga waze ene. Mumu mutu, nyi kanamono lamba mu mujimba, keshi nawa ni shili.