Marku 3:24 - Mukanda Wa Zambi 1970

²⁴ Nyi akwa wanangana maalihandununa ni kulitachika ene, wanangana uze muukabwa wahululu.

MUKANDA USANDU WA ZAMBI 1975

²⁴ Nyi kachi wanangana muuli handununa wene, wanangana uze kuushi kuhasa kukola.

Marku 3:24 Iomraidhean Croise

2 Samuel 20:1

Yikubwa umwe mutu wamokomoko wa ku limbo lia Gilgale, jina lienyi Sheba, mwana wa Bikri wa ku vungu lia Benjamine. Yemba chitavwi, yakololoka ngwenyi: “Yetu ni David kukwahwa! Kutuchi kukaula mwana wa Jese! Yenu Aisraele, tuyenu ku mahietu!”

2 Samuel 20:6

Mba mwanangana yambila nawa mwata Abishai ngwenyi: “Tala, Sheba kumatubinjisa kuhiana Absalome. Anda tujita twami hanga numukaule. Nyi ka, kumanjila mu amwe membo akukoleka ni kutuchina.”

Ezekiel 37:22

Mungukaapwisa vungu limuwika mu chifuchi, ha milundu ya Israele. Maakabwa ni mwanangana umuwika, keechi kalihandununa nawa mavungu aali hanji kuhandununa wanangana waali.

Zakaria 11:14

Mba yingumakuna lukanda wami wa muchaali, yoze te nakuvuluka ngwami “Kununga,” mba kununga cha Ayuda ni Aisraele yichifwa.

Mateu 12:25

Yesu, ha kunyingika manyonga jo, yaamba ngwenyi: “Nyi akwa wanangana maalihandununa ni kulitachika ene, wanangana uze muukabwa wahululu. Nyi akwa limwe limbo hanji akwa limwe jiko maalihandununa ene, jiko lize hanji limbo lize mulikafwa.

Marku 3:23

Yesu yaatambika, yaatela yishima ngwenyi: “Ngwe kuchi Sakwonga mahasa kulituhwisa iye mwene?

Marku 3:25

Nyi akwa limwe jiko maalihandununa ene, jiko lize mulikafwa.

Yoano 17:21

Tata, ngunalembe hanga ayo eswe akabwe umuwika, akabwe muli yetu ngwe yena uli muli yami ni yami muli yena, akabwe mutu umuwika hanga akwa hashi akafuliele ngwo, yena wangutumine.