Marku 2:5 - Mukanda Wa Zambi 1970

⁵ Muze hamona ufulielo wo, Yesu yambila mukwa kalepa ngwenyi: “Mwanami, milonga ye hiyakonekenewa.”

MUKANDA USANDU WA ZAMBI 1975

⁵ Yesu ha kumona Ufulielo wo, yamba kuli mukwa kalepa ngwenyi, Mwanami, ngunakukonekena milonga ye.

Marku 2:5 Iomraidhean Croise

Ubutukilo 22:12

Kanganda ngwenyi: “Kanda umulemeka, kanda umulinga chibi. Haliabwila ngunanyingika ngwami, kuma wakulemesa Zambi, mumu kuwalitunyine kulambula mwane mulambu kuli Zambi, chibwe kali lume umuwika.”

Miaso (Masamu) 103:3

Kakungukonekena milonga yami yeswe, kakuwuka misongo yami yeswe.

Izaya 38:17

Usasu wami muwalumuka uhwimino. Yena unalamwina mwono wami ku utoji weswe. Unangukonekena milonga yami yeswe.

Izaya 53:11

Muze hamona lamba, makawahilila nawa; makanyingika ngwenyi, chamwene lamba chamokomoko. Kavumbi kami mukwa ululi, yoze nakuwahilila nenyi, makamubatwila hanga amone lamba lize te atu akwo chaatamba kumona. Mungukaakonekena mumu hali iye.

Mateu 9:2

Kuma amwe yaamunehena mukwa kalepa, te kanabombo ha muhela. Muze hamona ufulielo wo, Yesu yambila mukwa kalepa ngwenyi: “Mwanami, hamuka, milonga ye hiyakonekenewa.”

Mateu 9:22

Yesu yatewuluka, yamumona, yamba ngwenyi: “Mwanami, hamuka! Ufulielo we hiwakuwuka.” Shimbu lizeliene mwe pwo yahinduka.

Mateu 9:5

Chashi chika, shina kwamba ngwami: ‘Milonga ye hiyakonekenewa,’ hanji kwamba ngwami: ‘Katuka, wende’?

Marku 2:6

Alioze amwe alongeshi a Shimbi te anatwama ko. Yaanyonga ngwo:

Marku 5:34

Yesu yamwamba ngwenyi: “Mwanami, ufulielo we hiwakuwuka. Yako kwe ni uhwimino. Musongo we uhwe lume.”

Luka 5:20

Ha kumona ufulielo wo, Yesu yambila mukwa kalepa ngwenyi: “Mukwetu, milonga ye hiyakonekenewa.”

Luka 8:48

Yesu yamwamba ngwenyi: “Mwanami, ufulielo we hiwakuwuka, yako kwe ni uhwimino.”

Yoano 2:25

Te kafupile niumwe kumulweza ndako ja atu, mumu yanyingika kanawa yize yili mu mbunge ja atu.

Yoano 5:14

Kulutwe Yesu yamutakana mu zuwo lia Zambi lia Ayuda, yamwamba ngwenyi: “Tala, hiwahinduka, kanda uvulumuna nawa. Nyi ka, Chuma chibi chahiana muchikuwana.”

Yilinga 11:23

Muze haheta ko, yamona chize Zambi awahishile akwa kufuliela. Neye yawahilila, yaatakamisa eswe ha kulalaminya Mwene Yesu ni mbunge yeswe.

Yilinga 14:9

Yabanjika yize ahanjekele Paulu. Mwenawo yamuhulikila meso nee. Paulu yamumona ngwe kali ni ufulielo wa kubwa mungunu,

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.

1 Korintu 11:30

Ha chikuma chino, anji hakachi kenu nuli ni yikola ni mulekeleke, ni amwe haanafu kulu.

2 Korintu 2:10

Mweswe mutu munukonekena, ni yami nawa mungumukonekena. Nyi hingunakonekena umwe mutu, nachilingile mumu hali yenu, ku meso ja Kristu,

Efesu 2:8

Mumu Zambi, ku utu wenyi, hananulamwina, mumu ha ufulielo. Ulamwino uno hi wa kuli yenu ko, kuuli chawana cha Zambi.

Kolosu 3:13

Lihumikizenu ni akwenu, likonekenenu nyi umwe kali ni chitela ni mukwo. Chanutamba kulikonekena ngwe chize anukonekenene Mwene.

Tiangu (Jake) 5:15

Kulemba chize cha ufulielo muchilamwina mweji, mba Mwene mamuhindwisa ni kumukonekena milonga yize hanavulumuna.