Marku 2:26 - Mukanda Wa Zambi 1970

²⁶ Muze Abiatare wabwile mwata wa mahako, David yanjila mu zuwo lia Zambi, yalia mbolo ja kutumbieka ku meso ja Zambi. Te kuchalitele ni Shimbi jetu kulia mbolo jize shina mahako a lutwe wika. Alioze David yajanda, yajaha nawa atu jenyi.”

MUKANDA USANDU WA ZAMBI 1975

²⁶ Ngwe chize anjilile mu zuwo lia Zambi ha matangwa ja sasendote mukwa lutwe Abiatare, alile mbolo ja kutumbieka, jize kuchalitele ni shimbi kulia shina hali asasendote wika? Wahanyine nawa kuli waze apwile hamwe nenyi?

Marku 2:26 Iomraidhean Croise

2 Samuel 15:24

Hako Zadoke neye kwe abwile hamwe ni Alevi, te kanambata mushete wa Usendo wa Zambi. Yaautula hashi ndoo muze atu eswe haatuhuka mu limbo. Hako Abiatare yakaula muze atu eswe haaya.

2 Samuel 15:29

Kashika mahako Zadoke ni Abiatare yaanda mushete wa Usendo, yaahiluka ku Yerusaleme, yaatwama ko.

2 Samuel 15:35

Mahako Zadoke ni Abiatare muukabwa no, muwalweza yuma yeswe yize muukevwa mu zuwo lia mwanangana.

2 Samuel 20:25

Sheva mukwa lutwe wa akwa kusoneka; Zadoke ni Abiatare mahako a Zambi;

2 Samuel 8:17

Zadoke, mwana wa Ahitube, ni Ahimeleke, mwana wa Abiatare, e mahako a Zambi; Seraya mwe mukwa kusoneka.

1 Yitanga Ya Mianangana 1:7

Yatwama punga hamwe ni Joabe (naye te Zeruya) ni hako wa Zambi Abiatare. Wano yaatayiza kulichinga nenyi.

1 Yitanga Ya Mianangana 2:22

Mwanangana Solomone ngwenyi: “Mumu yika nunamwichila Adonija Abishage? Nyi chize mwichilenu nawa wanangana, mumu kali yaya, ni mwene kali kulu ni hako Abiatare ni Joabe waze anamutayiza.”

1 Yitanga Ya Mianangana 4:4

mwata wa tujita Benaya, mwana wa Jehoyada; mahako ja Zambi: Zadoke ni Abiatare;

1 Sango Ja Mianangana 24:6

Vungu lia Eleazare ni lia Itamare yaata chela, Shemaya mwana wa Netanele, Kalevi mukwa kusoneka, yaasoneka. Mwe mwanangana, ni akwa kuyula, ni hako Zadoke, ni Ahimeleke mwana wa Abiatare, ni miata ja majiko ja mahako ni Alevi yaabwa yela.

Mateu 12:4

Yanjila mu zuwo lia Zambi, yalia mbolo ja kutumbieka ku meso ja Zambi, jize Shimbi kujatayijile iye chibwe atu jenyi kujilia—shina mahako a Zambi wika.

Marku 2:25

Yesu ngwenyi: “Kunwatangile nilimwe tangwa chize alingile mwanangana David, iye mwene ni atu jenyi, muze evwile zala ni haahona yakulia, nyi?

1 Samuel 21:1

David yaheta ku limbo lia Nobe, kuli hako wa Zambi Ahimeleke. Neye yabatwiza David nikuchikima, yamuhula ngwenyi: “Kuchi mba nuneza chichize ukawenu?”

1 Samuel 23:6

Muze Abiatare, mwana wa Ahimeleke, hachinyina kuli David ni kuya hamwe nenyi ku Keila, te kali ni chikuto chihi cha uhako.

1 Samuel 23:9

Muze David hevwa ngwo, “Saulu kanambe kwasa ne jita,” yambila hako Abiatare ngwenyi: “Neha chikuto cha kuhula nacho Mwene Zambi.”