Marku 2:15 - Mukanda Wa Zambi 1970

¹⁵ Mabwamuze Yesu yalia mu zuwo lia Levi. Akwa kulambwisa lijimu ni akwa lufuma mubi anji atwamine ku mesa hamwe ni Yesu ni tumbaji twenyi, mumu anji ngwe wano yaabutuka kumukaula.

MUKANDA USANDU WA ZAMBI 1975

¹⁵ Shimbu atwamine ku mesa mu zuwo lienyi, akwa kufwetesa lijimu anji ni yivulumunyi atwamine ku mesa hamwe ni Yesu ni tumbaji twenyi: mumu apwile anji, no amukawile.

Marku 2:15 Iomraidhean Croise

Mateu 5:46

Nyi nwakuzanga lume waze akunuzanga, chawana chika nwakusa mbunge ha kutambula? Akwa kulambwisa lijimu no keeshi kulinga chizechene, nyi?

Marku 2:14

Muze te anendangana yamona Levi, mwana wa Alfeu, te kanatwama mu zuwo lia kulambwishila lijimu. Yesu yamwamba ngwenyi: “Ngukaule.” Levi yakatuka, yamukaula.

Marku 2:16

Alongeshi a Shimbi a ku mbunga ya Afariseu yaamumona ni kulia hamwe ni akwa kulambwisa lijimu ni akwa lufuma mubi. Mba yaahula tumbaji twenyi ngwo: “Kuchi kevwe anali hamwe ni akwa kulambwisa lijimu ni akwa lufuma mubi?”

Luka 15:1

Akwa kulambwisa lijimu eswe ni akwa lufuma mubi yaakundama kuli Yesu ni kumubanjika.

Luka 6:17

Yesu yapalumuka ha mulundu hamwe no. Yamana hamwe homa hasalama, haze habwile mbunga yinene ya tumbaji twenyi. Yihabwa nawa mbunga Yinene ya atu a mu chifuchi cheswe cha Yudea, ni a mu Yerusaleme, ni a mu membo ja Tiru ni Sidone, ku mbumbulu ya kalunga lwiji.