Marku 2:14 - Mukanda Wa Zambi 1970

¹⁴ Muze te anendangana yamona Levi, mwana wa Alfeu, te kanatwama mu zuwo lia kulambwishila lijimu. Yesu yamwamba ngwenyi: “Ngukaule.” Levi yakatuka, yamukaula.

MUKANDA USANDU WA ZAMBI 1975

¹⁴ Shimbu machipalika, wamwene Levi, mwana Alefweu, kanatwama mu zuwo lia lijimu, yamba kuli iye ngwenyi, Ngukaule. Iye wakatukile, wamukawile.

Marku 2:14 Iomraidhean Croise

Mateu 8:22

Yesu ngwenyi: “Ngukaule. Echele afu akafunde afu jo ene.”

Marku 2:15

Mabwamuze Yesu yalia mu zuwo lia Levi. Akwa kulambwisa lijimu ni akwa lufuma mubi anji atwamine ku mesa hamwe ni Yesu ni tumbaji twenyi, mumu anji ngwe wano yaabutuka kumukaula.

Marku 3:18

ni Andre, ni Filipe, ni Bartolomeu, ni Mateu, ni Tomase, ni Tiangu (Jake) mwana wa Alfeu, ni Tadeu, ni Simone (mukwa kuzanga utuswilo wa chifuchi),

Luka 6:15

ni Mateu, ni Tomase, ni Tiangu (Jake) mwana wa Alfeu, ni Simone (mukwa kuzanga utuswilo wa chifuchi),

Yilinga 1:13

Muze te haaheta mu limbo, yaanjila mu limwe zuwo, yaakanduka ku chibatulo cha kwilu, kwenako atwamine. Wano e abwile ko: Petulu, ni Yoano, ni Tiangu (Jake), ni Andre, ni Filipe, ni Toma, ni Bartolomeu, ni Mateu, ni Tiangu (Jake), mwana wa Alfeu, ni Simone, mukwa kuzanga utuswilo wa chifuchi chenyi, ni Yudase, mwana wa Tiangu (Jake).