Marku 2:1 - Mukanda Wa Zambi 1970

¹ Kulutwe lia matangwa amwe, muze Yesu hanjila nawa mu Kafarnaume, atu yeevwa ngwo: “Mu zuwo ali.”

MUKANDA USANDU WA ZAMBI 1975

¹ Muze anjilile cheka nawa mu Kafwanaume kulutwe lia matangwa amwe, achivwile ngwo, Mu zuwo ali.

Marku 2:1 Iomraidhean Croise

Mateu 4:13

Katwamine ko ku limbo lia Nazare matangwa anji, alioze yaya ni kutwama ku Kafarnaume, limbo lia ku mbumbulu ya chitende cha Galilea mu yifuchi ya Zabulone ni Naftali.

Mateu 9:1

Yesu yanjila mu wato, yazauka chitende, yaheta ku limbo kuze akolelele.

Marku 1:45

Alioze mutu yoze yatuhuka, yachinyingikisa kweswe ni kuchifumanyisa. Kashika Yesu kahashile ko kusoloka nawa ku meso ja atu mu membo alioze yabwa ha ukawenyi. Atu a ku sali ni sali yeezaza kuli iye.

Marku 2:2

Anji yaakunguluka, chocho kukwabwile nawa muhela, chibwe ku chikolo. Shimbu te Yesu machilongesa sango jenyi,

Marku 3:20

Yesu yahiluka mu zuwo. Mba mbunga yaakundama nawa. Ha chino, Yesu ni tumbaji twenyi kaahashile chibwe kulia.

Marku 7:17

Muze hakatuka ku mbunga, hanjila mu zuwo, tumbaji twenyi yaamuhula ulumbunwiso wa chishima chize.

Marku 7:24

Yesu yakatuka ko, yaya ku chifuchi chize chakusulangana ni limbo lia Tiru, yanjila mu limwe zuwo. Kazangile niumwe kunyingika kuze te ali, hindu kahashile kuswama.

Marku 9:28

Muze Yesu hanjila mu zuwo, tumbaji twenyi yaamuhula ha ukawo ngwo: “Kuchi mba yetu kutwahashile kutuhwisa mwiku uze wa luchisa?”

Luka 4:23

Yesu ngwenyi: “Chamwenemwene munungutela chishima chino ngwenu: ‘Mbuki, liwuke yena mwene.’ Munungwamba nawa ngwenu: ‘Linga nawa chizechene kuno ku limbo lie chize twevwile ngwo, walingile ku Kafarnaume.’ ”

Luka 5:18

Kuma amwe malunga yaamunehena mukwa kalepa, te kanabombo ha muhela. Yaazanga kumunjisa mu zuwo ni kumutumbika ku meso ja Yesu.

Yoano 4:47

Ha kwivwa ngwo, Yesu hakatuka ku Yudea, heza ku Galilea, mwe mukwa kuyula yaya kuli Yesu nikuliumba ngwenyi: “Tweya kama ku Kafarnaume hanga uwuke mwanami, kanambe kufwa.”

Yilinga 2:6

Muze te heevwa zungo lize, mbunga yaalikungulula. Eswe yaakakashana, mumu mutu ni mutu yevwa akwa kufuliela nikuhanjika mu liji lienyi mwene.