Biblia Todo Logo
Bìoball air-loidhne

- Sanasan -




Marku 16:19 - Mukanda Wa Zambi 1970

19 Muze Mwene Yesu hahanjika maliji wano, Zambi yamutambula mwilu, yatwama ku chindume cha Zambi.

Faic an caibideil Dèan lethbhreac

MUKANDA USANDU WA ZAMBI 1975

19 Chocho Mwene Yesu, muze te hahanjika kuli ayo, amutambwile mwilu, iye Watwamine ku chindume cha Zambi.

Faic an caibideil Dèan lethbhreac




Marku 16:19
37 Iomraidhean Croise  

Mwene Zambi yambila mwene wami ngwenyi: “Twama ku chindume chami ndoo mungukasa akwa kole je kushi lia molu je.”


Tumbaji yaatuhuka nikwambujola kweswe. Mwene Yesu yalinga hamwe no nikukolesa longeso lio ni yilayi.]


Alioze chize ku haliabwila Mwana Mutu makatwama ku chindume cha Zambi Mukwa Ndundo Jeswe.”


Muze matangwa haakundama ha kutambula Yesu mwilu, yatalikisa ku Yerusaleme.


Te hikwasala tangwa limuwika ni chiwanyino cha kwiwuluka Kubalika. Yesu yanyingika ngwenyi, ola yenyi hiyaheta yakukatuka hashi ni kuhiluka kuli Tato. Matangwa eswe yazanga atu jenyi waze te atwama hano hashi, yaazanga ndoo ku songo.


Nakatukile kuli Tata, hinguneza hano hashi. Haliabwila, ngunakatuka hashi hano ha kuya kuli Tata.”


Alioze haliabwila nguneza kuli yena. Chino hinamba hano hashi, hanga ayo abwe ni uwahililo wami, uwahililo Wahiana.


Yesu yamwamba ngwenyi: “Kanda ungukwata, mumu kanda nguchizezuka kuli Tata. Alioze yako wambulwile akwetu ngwe: ‘Ngunazezuka kuli Tata kanda Tatenu, kuli Zambi yami kanda Zambi yenu.’ ”


Muze te haalia, Yesu yahula Simone Petulu ngwenyi: “Simone, mwana wa Yoano, unanguzange kuhiana chize ananguzange wano, nyi?” Petulu ngwenyi: “Ewa, Mwene, Unanyingika ngwe, ngunakuzange.” Yesu yamwamba ngwenyi: “Lisa ana mapanga jami.”


Yesu ngwenyi: “Nyi ngunazange ngwami, atwame ni mwono ndoo mungukeza nawa, yinakutale, nyi? Ngukaule.”


Mba kuchi munukanyonga muze munukamona Mwana Mutu ni kuzezuka kuze abwile hatangu?


Zambi hanamuzundula, hanamuse ku kwoko lienyi lia chindume. Ni Yesu hanatambula kuli Tata, Mwiku wa Linanga uze alakenyene, hanatumwangina wo. Yuma yize nunevu ni yize nunamono yili yitanga ya Mwiku uze.


Yesu makashimbula mwilu ndoo ni muze Zambi makalulika yuma yeswe, ngwe chize hanachambulula kuli akwa munanyi jenyi a kulinanga ku miaka yikulu.


Iya mahasa kwahisa? Niumwe, mumu Yesu Kristu, yoze wafwile, yoze Zambi ahindwishile ku kufwa, kali ku kwoko lia chindume cha Zambi. Kakutuhakwila kuli Zambi.


Hananuhindwisa hamwe ni Kristu ku kufwa. Kashika fupenu yuma yize yili mwilu, kuze Kristu anatwama ku chindume cha Zambi.


Niumwe kahashile kulituna unene wa chijimbikilo cha ufulielo wetu! Yasoloka mu mujimba wa uutu, Mwiku wa Linanga yiumusambisa, Tunganda a mwilu yaamumona. Yaamwambujola hakachi ka waze hi Ayuda ko, Yaamufuliela hano hashi, Yaamutambula mwilu mu uhenya.


Mwe Mwana kanatemuka ni kubeyima cha uhenya wa Zambi. Kulifwa chenyi chili lume pundu ngwe chize abwa Zambi. Mwanenyi kakwata yuma yeswe ku tachi ja liji lienyi. Muze habemesa atu ku shili yo, yatwama ha chitwamo cha Wanangana mwilu ku chindume cha Zambi, Mukwa Ndundo Jeswe.


Tuhulikilenu kuli Yesu, mumu ufulielo wetu kuwakwiza kuli iye, chize ku kabutu ndoo ku songo. Yalihumikiza muze amuhachile ha kulusu. Kevwile ko sonyi ja kufwa ha kulusu, mumu yanyonga lume ha yiwape yize te yinamushimbwila. Kashika, haliabwila, kali ku chindume cha Zambi ha chitwamo cha wanangana.


Tukakaminyenu kanawa ku longeso lietu, mumu tuli ni Mwata wa mahako a Zambi yoze hanahete ndoo ni ku meso ja Zambi—mwe Yesu Mwana Zambi.


Yesu hanaliange kunjila mo mumu hali yetu. Hanabu mwata wa mahako ku miaka yeswe, ni ngango yimuwika ni yize ya Melkizedeke.


Yesu kanatela kubwa mwata wa mahako. Kali munangi, keshi chibeka nichimwe, keshi shili. Zambi hanamuhandununa kuli yivulumunyi, hanamuzundula helu lia lilu.


Chikuma chinene chize tunambe chili chino ngwetu, mwata wa mahako ngwe yono tuli nenyi, yoze watwama mwilu ku chindume ha chitwamo cha wanangana wa Zambi, Mukwa Ndundo Jeswe.


Mumu Kristu kanjilile ko Muma mwa Chijila Kuhiana mwakutunga ni moko ja atu, muma muze muli lume chizulie cha umwenemwene. Alioze yanjila lume mwe mwilu, muze akusoloka ku meso ja Zambi ha kutuhakwila.


Yesu Kristu hanazezuke mwilu, hanayi ni kutwama ku chindume cha Zambi. Kwenako akuyula tunganda a mwilu, ni akwa kuyula, ni akwa tachi akwo a mwilu.


Lean sinn:

Sanasan


Sanasan