Marku 16:18 - Mukanda Wa Zambi 1970

¹⁸ chibwe akakwate manoka hanji kunwa Chuma chimwe cha kufwa, kuchichi kaalinga nichimwe; kumakasa moko hali mieji, mba kumakahinduka.”

MUKANDA USANDU WA ZAMBI 1975

¹⁸ O kumakanda tupela, nyi kachi manwa chuma chimwe cha kufwa, kuchichi kaalemeka nichimwe; kumakasayika moko jo hali mieji, o kumakahinduka.

Marku 16:18 Iomraidhean Croise

Ubutukilo 3:15

Yena kapela ni pwo munukabwa akwa kole. Vungu lie ni vungu lia pwo mulikabwa akwa kole. Mulikafupa mana akukushihila ku mutwe, ni yena muukafupa mana akumusumina ku kashi jino.”

Miaso (Masamu) 91:13

Muuliataliata hali tambwe ni hali tupela, chibwe waze asasu kuhiana.

Marku 5:23

Yaliumba kuli iye kuhiana ngwenyi: “Mwanami mukepe wa pwo kanahuzu. Tweya kama umuse moko, hanga ahinduke, abwe ni mwono.”

Luka 10:19

Achivwenu! Hingunanwehe chiyulo cha kuliata tupela ni tuvwanda, ni chiyulo cha kukumba tachi jeswe ja Mukwa Kole. Nichimwe muchihasa kunulinga chibi.

Yilinga 19:12

Atu yaanehena mieji mahina ni yitambala ya ku mujimba wa Paulu, mba mieji yaahindwoka, ni mwiku ubi yiutuhwoka.

Yilinga 3:12

Ha kuchimona, Petulu yaamba ngwenyi: “Malunga Aisraele, kuchi nunatuhulikila meso ngwe ni tachi hanji ni kulinanga cha yetwene twamwendesanga?

Yilinga 3:16

Ndundo ja jina lia Yesu hijahindwisa mutu yono. Nunamumono, nunamunyingika. Habwa ni tachi mumu hafuliela jina lize. Jina lia Yesu hiliamwaha ufulielo, kushika habwa mungunu ngwe chize nunamono yenu eswe.

Yilinga 4:10

Aisraele eswe ni yenu eswe chanutamba kunyingika ngwenu, mutu yono kanamana ku meso jenu mungunu ku tachi ja jina lia Yesu Kristu wa ku Nazare, yoze nwahachile ha kulusu, alioze Zambi hanamuhindwisa ku kufwa.

Yilinga 4:22

Mutu yoze alingilile chipupu cha kumuwuka, te hahiana kulu miaka makumi awana.

Yilinga 4:30

Olola kwoko lie ha kuwuka, ni kwokesa yilayi ni yikomokeso mu jina lia Kavumbi ke wa Linanga, Yesu.”

Yilinga 9:34

Petulu yamwamba ngwenyi: “Enea, Yesu Kristu kanakuhindwisa, katuka, alula muhela we.” Hazehene yakatuka.

A-ROMA 16:20

Zambi, yoze wakuhana uhwimino, makafwenya Sakwonga nikawashi kushi lia molu jenu. Mwene wetu Yesu Kristu anulweze utu.

1 Korintu 12:9

Mwiku uzewene umuwika wakuhana ufulielo kuli umwe, kuli mukwo tachi ja kuwuka mieji.