Marku 16:16 - Mukanda Wa Zambi 1970

¹⁶ Yoze mafuliela ni maamupapachisa kumakamulamwina. Alioze yoze keshi kufuliela, kumakamuhisa.

MUKANDA USANDU WA ZAMBI 1975

¹⁶ Yoze mafuliela, mamupapachisa, kumakamulamwina; alioze yoze keshi kufuliela, kumakamuhisa.

Marku 16:16 Iomraidhean Croise

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Marku 1:15

Ngwenyi: “Tangwa hiliaheta. Wanangana wa Zambi hiwakundama! Alumukenu ku mbunge! Fulielenu je Sango Jibema!”

Luka 8:12

Atu akwo kaalifwa ngwe sesa lia jila, kuze kwakuholokela ye mbuto. Alioze Sakwonga, kakwiza ni kuchiza liji mu mbunge jo ha kwakinda kufuliela, hanga Zambi kechi kaalamwina.

Yoano 20:31

Alioze yino yasonewene hanga nufuliele ngwenu, Yesu mwe Chilamwina yoze Zambi alakenyene, mwe Mwana Zambi, ni hanga, ku ufulielo uno, munuhasa kubwa ni mwono mumu ha jina lienyi.

Yoano 3:36

Yoze wakufuliela mwe Mwana, mwono wa miaka yeswe ali nawo. Yoze keshi kwononokena Mwana, kechi kamona mwono, alioze Zambi kakumuvwila ufwatulo.

Yoano 3:5

Yesu ngwenyi: “Chamwenemwene ngunakwambulwila ngwami, niumwe mahasa kunjila mu Wanangana wa Zambi, shina masemuka ku meya ni ku Mwiku wa Linanga.

Yoano 5:24

“Chamwenemwene ngunanwambe ngwami, yoze wakwivwa maliji jami ni kufuliela yoze wangutumine, mwono wa miaka yeswe ali nawo. Kechi kamuhisa, alioze hahinduka kulu ku kufwa, habwa ni mwono.

Yoano 6:29

Yesu ngwenyi: “Yuma yize akuzanga Zambi yenayi ayi, kufuliela yami yoze hanatumu.”

Yoano 6:35

Yesu ngwenyi: “Yami nguli ye mbolo yize yakupwisa atu ni mwono. Yoze meza kuli yami, kechi kevwa zala chibwe hakepe. Yoze mangufuliela kechi kevwa nawa pwila nichimwe.

Yoano 6:40

Mumu Tata kakuzanga ngwenyi, eswe waze haanamono Mwana, ni akumufuliela, abwe ni mwono wa miaka yeswe. Ni yami mungukaahindwisa ha tangwa liakusula.”

Yoano 8:24

Kashika hinanwamba ngwami, munukafwa mu milonga yenu. Mumu munukafwa mu milonga yenu, shina munufuliela ngwenu, ‘Yami Nguli Yoze Nguli.’ ”

Yilinga 10:43

Akwa munanyi eswe a Zambi haanamushindakenya ngwo, mweswawo wakumufuliela, Zambi kakumukonekena milonga yenyi ku tachi ja jina lia Yesu.”

Yilinga 13:46

Alioze Paulu ni Barnaba yaahanjika no ni hamu ngwo: “Chinalite kuhanjika maliji a Zambi kuli yenu hatangu. Alioze, mumu nunalituno ni nunabatula ngwenu, kunwatelele mwono wa miaka yeswe, haliabwila tunatewulukila kuli waze hi Ayuda ko.

Yilinga 2:38

Petulu ngwenyi: “Mutu ni mutu hakachi kenu alumuke ku mbunge, amupapachise mu jina lia Yesu Kristu ha ukonekeno wa milonga. Mba munutambula chawana cha Zambi, Mwiku wa Linanga.

Yilinga 2:41

Mba waze afulielele longeso lienyi, yaapapachisa. Ha tangwa lize tununu atatu yaalichinga no.

Yilinga 22:16

Mba haliabwila kuchi unalaluka? Katuka, akupapachise, ulikose milonga ye ha kulemba kuli Yesu Kristu.’ ”

A-ROMA 3:6

Ka lume! Nyi Zambi hi mukwa ululi ko, ngwe kuchi mahasa kubatwila akwa hashi?

A-ROMA 4:24

Yaasonewa nawa mumu hali yetu, yetu waze Zambi malula akwa ululi, waze twakufuliela Zambi yoze wahindwishile Yesu Mwene wetu ku kufwa.

2 A-TESALONIKA 1:8

Makeza ni kahia kakulekwoka ha kumwesa lamba waze kaanyingikine ko Zambi ni waze keeshi kwononokena Sango Jibema ja Mwene wetu Yesu.

2 A-TESALONIKA 2:12

Ha chino, eswe waze te keeshi kufuliela umwenemwene, alioze te akuwahilila ni uhenge, Zambi makaahisa.

1 Petulu 1:21

Ku tachi ja Yesu Kristu nwakufuliela Zambi, yoze wamuhindwishile ku kufwa ni wamuhele uhenya. Ha chino, nwakufuliela Zambi, ni nwakumusa mbunge.

1 Petulu 3:21

Meya aze kaanalifu ngwe upapachiso uze unanulamwina haliabwila. Upapachiso kuushi kuchiza majilo ja mujimba, alioze kuuli chilakenyo kuli Zambi ni mbunge yibema. Kuwakunulamwina ku uhindukilo wa Yesu Kristu ku kufwa.

Usolwelo 20:15

Yoze jina lienyi kuliasonewene mu mukanda wa akwa mwono, yamunyasa mu wina wa kahia.

Usolwelo 21:8

Alioze akwa mwongo, ni waze keeshi kufuliela, ni akwa kuzelwokesa, ni akwa kushiha atu, ni yitanji, ni akwa kupanda wanga, ni akwa kukombelela mahamba, ni akwa mahuza eswe—chihanda cho muchikabwa mu wina wakuyila kahia ni fundanga, Chenacho che kufwa cha muchaali.”