Marku 16:15 - Mukanda Wa Zambi 1970

¹⁵ Yesu yaamba ngwenyi: “Yeenu hashi heswe, nukambujolele atu eswe Sango Jibema.

MUKANDA USANDU WA ZAMBI 1975

¹⁵ Iye wambile kuli ayo ngwenyi, Yénu hashi heswe, nukambujole sango lipema kuli atu eswe.

Marku 16:15 Iomraidhean Croise

Miaso (Masamu) 22:27

Mavungu eswe kumeewuluka Zambi, kumaatewuluka kuli iye; Mavungu eswe kumaamuwayila.

Miaso (Masamu) 96:3

Lumbununenu uhenya wenyi kuli mavungu, ni yitanga yenyi ya kukomwesa.

Miaso (Masamu) 98:3

Hamanununa chilakenyo chenyi kuli Aisraele, mumu ha umwenemwene wenyi ni zango lienyi lize kulishi kuhwa. Atu eswe a hashi haamona kukumba cha Zambi yetu.

Izaya 45:22

“Hilukenu kuli yami nulilamwine, yenu akwa hashi heswe! Yami mwe Zambi wika.

Izaya 49:6

Mwene Zambi yangwamba ngwenyi; “Yena kavumbi kami, nguli ni milimo yikwo yinene yahiana. Hi ya kuhilwisa wika ko ulemu wa masalila ja atu jami Aisraele, alioze ya kukupwisa nawa pangu lia mavungu hanga akwa hashi eswe akaalamwine.”

Izaya 52:10

Mwene Zambi ni kwoko lienyi lia linanga, kumaakalamwina atu jenyi; akwa hashi eswe kumaakachimona.

Mateu 28:19

Kashika, yeenu ku mavungu eswe, nukaapwise tumbaji twami, ni kwapapachisa mu jina lia Tata, ni lia Mwana, ni lia Mwiku wa Linanga,

Marku 13:10

Alioze je Sango Jibema chatamba kujambujola ku mavungu eswe a hashi.

Yoano 15:16

Yenu kunwangutongwele, alioze yami nanutongwele. Nanusele hanga nukeme mihuko yize muyikalinduluka. Chenacho Tata makanwaha cheswacho munuketa mu jina liami.

Yoano 20:21

Yesu yaamba nawa ngwenyi: “Uhwimino kuli yenu! Ngwe chize Tata wangutumine ni yami nawa ngunanutumu.”

Yilinga 1:2

ndoo ku tangwa lize Zambi wamutambwile mwilu. Muze kanda achizezuka mwilu, ku tachi ja Mwiku wa Linanga, yaaha tumbaji waze atongwele Shimbi.

Yilinga 1:8

Alioze munukatambula tachi muze Mwiku wa Linanga hiwanuhulumukina. Mba munukabwa yela jami mu Yerusaleme, ni mweswe mu Yudea ni Samaria, ni ndoo ku songo lia hashi.”

A-ROMA 10:18

Alioze ngunahula ngwami, keevwile ko sango jize, nyi? Chamwenemwene haanajivu! Ngwe Mukanda wa Zambi unambe ngwo: “Liji lio haanalivu hashi heswe. Maliji jo haanahete ku masongo ja yifuchi yeswe ya hashi.”

A-ROMA 16:26

Alioze haliabwila hichinasoloka mu pangu mu mikanda ya akwa munanyi a Zambi. Zambi wa miaka yeswe hanatumu atu ku mavungu eswe, ha kunyingikisa chijimbikilo chino, hanga afuliele ni ononoke.

Efesu 2:17

Chenacho Kristu ejile nikwambujola Sango Jibema ja uhwimino kuli yenu hi Ayuda ko, waze nwabwile kusuku ni Zambi, nawa kuli Ayuda waze abwile hakamwihi nenyi.

Kolosu 1:23

Alioze, chanutamba kumana nguu mu ufulielo wenu, akwa kujikiza kanawa. Atu kanda anwonga ha kwehuka yuma yize te nwakusa mbunge, chize kuze nwevwile Sango Jibema. Yami, Paulu, nguli kavumbi ka Sango jino Jibema—Sango jize ambujolele kuli akwa hashi eswe.

Kolosu 1:6

Sango Jibema jinamwangana ni jinatwala yiwape yajo hashi heswe. Jalingile nawa mukachi kenu chize ku tangwa lize nwevwile chisuho chitangu hakutwala ku utu wa Zambi, ni kuunyingika pundu chize ubwa.

1 Yoano 4:14

Yetu hitunamono, ni hitunambujola ngwetu, Tata hanatumu Mwanenyi ha kubwa Chilamwina cha akwa hashi.

Usolwelo 14:6

Mba yingumona kanganda ka mwilu mukwo, kanabalika mu tetela, te kali ni Sango Jibema ja miaka yeswe jakwambujola kuli akwa hashi, ni ku vungu heswe, ni ku Chikota cheswe, ni ku liji heswe, ni kuli atu eswe.