Marku 15:19 - Mukanda Wa Zambi 1970

¹⁹ Yaamulambalamba mutondo ha mutwe, yaamufwilafwila mate, yaaliumba ha makungunwa jo ngwe kaanamuwayila.

MUKANDA USANDU WA ZAMBI 1975

¹⁹ Alambile mutwe wenyi ni lumbungu, amufwilile mate, o nikuliumba makungunwa jo, amuwayilile.

Marku 15:19 Iomraidhean Croise

Ubutukilo 24:52

Muze mwe kavumbi hevwa maliji waze, yafulamana, yawayila Mwene Zambi.

Ubutukilo 43:28

Ayo ngwo: “Vulie mwanangana. Kavumbi kenu kanakolo kwenyi.” Mba yaafulamana nawa.

1 Yitanga Ya Mianangana 19:18

Hindu mungukahichika atu 7,000 twa Aisraele ni mwono, waze kaafukamine ko kuli hamba Bale, ni kaamushishile ko.”

Jobe 13:9

Nyi Zambi manushishika, yika mamona muli yenu? Hanji nunazange kumwonga ngwe chize nwakwonga atu, nyi?

Miaso (Masamu) 69:12

Kaakunguyenga mu mikala, hinabwa mwaso kuli akwa kuzengewa.

Izaya 45:23

Chilakenyo chami chili chamwenemwene, kuchichi kwalumuka. Nalishingile ngwami: atu eswe maakeza ni kufukama, ni kungulakenya ngwo, mutubwa akwa kushishika.

Izaya 49:7

Zambi Munangi wa Aisraele kanda Mukwa Kwakula kanambila kavumbi ka akwa kuyula yoze akulelesa ni kuvutwokela kuli mavungu, ngwenyi: “Mianangana maakamona chize muukatusuka, maakakatuka ni kukulemesa. Ana ja mianangana a malunga no maakachimona nawa, kumaakafukama ku meso je ni kukulemesa.” Chino muchikabwa mumu Mwene Zambi hanatongola kavumbi kenyi; Zambi munangi wa Aisraele hanamanununa yilakenyo yenyi.

Izaya 50:6

Nakunjikile nyima yami kuli waze angulambile. Chaakanjishile ko muze angusawile, muze angusuchile wevu, ni kungufwila mate ku meso.

Izaya 52:14

Atu anji evwile kubiha muze amumwene; chifwa chenyi yichalumuka, kuchabwile ko nawa ngwe cha mutu.

Mika 5:1

Yenu akwa Yerusaleme, kungululenu tujita twenu! Haatuseleka! Kaanase jita ni mwata wa Israele!

Mateu 27:30

Yaamufwila mate, yaatambula lukanda ni kumulambalamba ha mutwe.

Marku 10:34

No maakamukekuna, maakamufwila mate, maakamulamba ni fimbo (shikote), maakamushiha. Alioze ha tangwa lia muchitatu kumakahinduka.”

Marku 14:65

Akwo yaabutuka kumufwila mate, yaamukasa hina ku meso, yaamulamba kome nikwamba ngwo: “Tumbula, iya wakulamba!” Tufunga yaakwata Yesu, yaamulamba mbangala.

Marku 15:18

No yaabutuka kumumeneka ngwo: “Vulie, mwanangana wa Ayuda!”

Marku 15:20

Muze hamanununa kumukekuna, yaamuzula hina lichila, yaamujika mahina jenyi, mba yaamutwala haze lia limbo hanga amuhate ha kulusu.

Marku 9:12

Yesu ngwenyi: “Chenacho, Eliya chamutamba kwiza hatangu ni kululika yuma yeswe. Alioze kuchi mba hichinasonewa mu Mukanda wa Zambi ngwo: ‘Mwana Mutu chamutamba kwivwa lamba linji, mamupwisa wamokomoko’?

Luka 22:63

Tufunga yaakekuna Yesu, yaamulamba,

Luka 23:11

Herode ni tujita twenyi yaamukekuna, yaamulelesa, yaamujika hina lia lubula, yaamuhilwisa maha Pilatu.

Luka 23:36

Tujita no yamukekuna, yaakundama nikumwaha vinaigre,

A-ROMA 11:4

Alioze Zambi kumbululo lika amuhele? Ngwenyi: “Hingunafungu tununu shimbiali twa atu ja yami mwene waze kaawayilile ko hamba Bale.”

Filipu 2:10

hanga, mu kulemesa jina lia Yesu, akwa mwono eswe waze ali mwilu, ni hano hashi, ni kushi lia hashi, akafulamane ha makungunwa,

Hebreu 13:13

Kashika tuyenu haze lia limbo ni kumbata luchoko yoze amuchokele Yesu.