Marku 15:12 - Mukanda Wa Zambi 1970

¹² Pilatu yaahula ngwenyi: “Mba kuchi nunazange ngulinge ni yoze nunavuluka ngwenu: ‘Mwanangana wa Ayuda’?”

MUKANDA USANDU WA ZAMBI 1975

¹² Pilatu waakumbulwile cheka nawa, ngwenyi, Mba kuchi nunazange ngulinge kuli yoze nunamuvuluka ngwenu, Mwanangana wa A-Yunda?

Marku 15:12 Iomraidhean Croise

Zakaria 9:9

Yenu akwa Zione, wahililenu, wahililenu! Yenu akwa Yerusaleme kololokenu ni uwahililo! Talenu, mwanangana wenu kaneza kuli yenu! Mukwa kukumba wakangana, hindu mukwa kulikehesa, kanendela hali chimbulu, hali mwana yoze wasemukine kuli chimbulu.

Mateu 21:5

“Ambilenu mwana pwo wa Zione ngwenu: ‘Tala mwanangana we kaneza kuli yena, mukwa kulikehesa, kanende ha chimbulu, kanende hali mwana wa chimbulu.’ ”

Marku 15:11

Alioze mahako a lutwe yaavundula mbunga hanga atuhwise Baraba.

Marku 15:13

Yaamukumbulula nikukololoka ngwo: “Muhachile ha kulusu!”

Luka 23:2

yaabutuka kumusuma ngwo: “Tunakawana lunga yono nikubinjisa atu jetu, ngwenyi: ‘Kanda nulambula mwanangana wa Aroma lijimu.’ Ni kakulipwisa iye mwene Kristu, mwanangana.”

Yilinga 5:31

Zambi hanamuzundula ha kubwa ku kwoko lienyi lia chindume, hanga abwe Tetekeli ni Chilamwina. Chenacho Aisraele maahasa kwalumuka ku mbunge jo, ni Zambi maakonekena milonga yo.