Marku 15:1 - Mukanda Wa Zambi 1970

¹ Chichamene cheswe mahako a lutwe a Zambi, ni makulwana ja Ayuda, ni alongeshi a Shimbi, hamwe ni ngaji eswe a mu Mbunga ya Ngaji ja Ayuda yaatwama punga. Yaakasa Yesu, yaamutwala nikumukunjika kuli Pilatu.

MUKANDA USANDU WA ZAMBI 1975

¹ Haze hene ha chimenemene, asasendote akwa lutwe hamwe ni makulwana ni akwa kusonyeka, ni akwa kuyula, yatwama punga, yakasa Yesu, yamutwala, yamukunjika kuli Pilatu.

Marku 15:1 Iomraidhean Croise

Miaso (Masamu) 2:2

Mianangana jo haalilulika kwasa jita, akwa kuyula jo kaanatwama Mwene Zambi punga ni mwanangana yoze awayishile maji.

Mateu 5:22

Alioze yami ngunanwambulwila ngwami, mutu yoze mevwila mukwo ufwatulo, matela ubatwilo. Yoze mambila mukwo ngwenyi: ‘Chihepuke!’ matela ubatwilo ku meso ja Mbunga ya Ngaji ja Ayuda. Yoze mamwamba ngwenyi: ‘Chizuzuke!’ kanatela kuya mu kahia.

Luka 22:66

Muze hikwacha, makulwana ja Ayuda ni mahako a lutwe a Zambi ni alongeshi a Shimbi yaalikungulula, yaatwala Yesu ku meso ja Mbunga yo ya Ngaji,

Yilinga 3:13

Zambi ya Abrahama, ni ya Isake, ni ya Yakoba, ni ya tushakulu twetu hanahenyesa kavumbi kenyi Yesu. Yenwene nwamukunjikile kuli mianangana, nwalitunyine ye ku meso ja Pilatu muze iye abatwile ha kumutusula,